Kirkjuritið


Kirkjuritið - 01.11.1960, Blaðsíða 25

Kirkjuritið - 01.11.1960, Blaðsíða 25
KIRKJURITIÐ 407 Wasti við suðri og sól við rætur hárrar hlíðar, með língresis- geirum milli giljaskorninga og uppgróinna hryggja hið efra, en út frá túninu niður að Grímsá mjög víðáttumiklar engjar, grasgefnar og greiðfærar, frjóvgaðar af vatni ofan úr hlíðinni, er streymdi yfir þær í vorleysingum. En þrátt fyrir þessa land- kosti höfðu þó prestar þeir, sem sátu Lund næstir á undan séra Ólafi, eigi átt þar langa sögu: Oddi Gíslasyni var veittur Lund- ur 1875. Árið 1879 er Lundur veittur Þorsteini Benediktssyni °g 1882 séra Eiríki Gíslasyni. Þessir þrír prestar sitja því stað- innn aðeins tíu ár. Svo tíð ábúendaskipti á prestsetrum þóttu draga dilk á eftir sér. í kjölfarið sigldi nálega undantekningar- laust lækkandi reisn staðanna ár frá ári. Með komu séra Ólafs °g frú Ingibjargar að Lundi var eigi tjaldað til einnar nætur. Þar var hann þjónandi prestur í seytján ár samfleytt eða til 1902. Eigi mun hann hafa dvalizt lengi meðal Borgfirðinga, er Þeim varð fullljóst, að þar var enginn miðlungsmaður á ferð, hvorki sem embættismaður né bóndi. En enginn vissi það bet- ur en séra Ólafur sjálfur, að hann reri eigi einn á báti. Mönn- um varð tíðrætt um prestsfrúna á Lundi, mannkosti hennar og afburðahæfileika að stjórna heimili og gera það hvorttveggja í senn, aðlaðandi fyrir gesti og skapa þann friðsæla einingar- anda, sem gerði heimilisfólki öllu ljúft og farsælt að dveljast Þar. Góð bújörð, verkafólk, sem bar hag húsráðanda fyrir

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.