Kirkjuritið


Kirkjuritið - 01.11.1960, Blaðsíða 44

Kirkjuritið - 01.11.1960, Blaðsíða 44
426 KIRKJURITIÐ En þessi áminning virðist ná tilgangi sínum, þótt einungis sé stöku sinnum komið til guðsþjónustu. Og frumsöfnuðurinn virðist hafa mætt á hverjum sunnudegi og jafnvel oftar, svo að allar áminningar urðu þá út í bláinn. En sé litið ofurlítið dýpra en á yfirborðið til að leita orsak- anna fyrir lítilli kirkjurækni, kemur fljótt í ljós, að allt annað er nú talið þýðingarmeira en kirkjugangan. Hvað er fólkið að gera á sunnudögum ? Það vinnur daglangt við húsabyggingar, garðrækt og alls konar tómstundastörf og nær oft furðulegum árangri. Það eyðir tíma sínum við glaum og hávaða grammófóns og útvarpstækja í heimahúsum, það fyllir danshús og kvikmynda- hús, leikhús og sýningarsali. Það leitar að gleði, en finnur hana mjög takmarkað. Með hverju ári ágerist eirðarleysi og alls konar óánægja- sem veldur taugaveiklun, sundrung og ófriði sérstaklega a heimilum og endar oft með algjöru örvæni og upplausn, sinnu- leysi og geðtruflunum. Samt er fólkið alltaf að njóta svo- nefndra skemmtana og gleðimóta. En gæti ekki verið, að gleðin yrði sannari og hreinni, sál- arfriðurinn traustari, hið innra jafnvægi öruggara, ef kirkju- ræknin væri betur efld, hljóðar, helgar stundir yrðu viss og ákveðinn þáttur í daganna rás, líkt og svefn og hvíld, matur og drykkur? Fæstir geta verið án reglubundins svefns um lengri tíma, án þess að veiklast að mun. Sálfræðingar fallast á, að þannig sé einnig um hljóðar, helgar stundir í þögn og hugleiðslu, þ&r vekja og styrkja, gefa einhvern innri kraft, sem ekki má an vera, ef lifa skal hamingjusömu lífi. En auk þess göfga Þæl og dýpka vitundarsviðið, veita beztu blómum andans t. d. auo' mýkt, lotningu, ástúð og tilbeiðslu svigrúm til að dafna í frioi- Gæti ekki verið, að kirkjugöngur gætu verið helzta græðiiy við mörgum þeirra meina sálarlegra, siðferðilegra og líkam- legra, sem nú er án árangurs reynt að lækna með ótal pillu og sprautum? Læknarnir ættu annars að athuga það. Ef til vill væri þa ekki verra né þýðingarlausara rannsóknarefni en ýmislegt ann að, sem athugað er á rannsóknarstofunum. Árelíus Níelsson.

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.