Kirkjuritið - 01.01.1961, Blaðsíða 33
KIRKJURITIÐ
27
Öll sæti skipuð, og hengja á kirkjudyrnar um messutimann.
Víða hefur orðið að fjölga messum. Hafa þó þrjár kirkjur verið
vígðar eða endurvígðar vikulega þar í borg nú um skeið. Ný-
skipaður biskup í Suður-Lundúnum, Stockwood, skýrir þetta á
þann veg, að almenningur sé að verða leiður og uppgefinn á
hinni blátæru efnishyggju og einskæru kapphlaupi um veraldar-
gæði eða frama. Dagblöðin séu á sömu skoðun. Þau séu hætt
að tönnlast stöðugt á söngnum um hinar tómu kirkjur, en
helgi greinum um kirkjuleg og kristileg efni æ meira rúm í
dálkum sínum.
Hann er prestur ...
Það eru svo sem til sólskinsblettir í dönsku kirkjunni líka.
Eftirtektarvert, að við biskupskosningarnar báðar, sem fóru
fram í haust i hinu forna Sjálandsstipti, hlutu þeir flest at-
kvæði, sem starfað hafa að margs konar félags- og líknarmál-
um. Og sá, sem var annar í röðinni í Kaupmannahafnarstipti,
var Haldor Hald, sem oft er kallaður presturinn við kirkju hinna
bersyndugu, þ. e. Sankti Nikulásarkirkju. Orðstír hans hófst
fyrir átján árum. Þá flutti hann frá Vejle til höfuðborgarinnar,
og Extrablaðið tilkynnti það með risastóru letri á þennan veg:
..Nú hefur Kaupmannahöfn eignazt sjálfsmorðingjaprest. Ef
þér hafið í huga að fremja sjálfsmorð, þá hringið í séra Hald,
hann hefur síma ...“
Vera má, að blaðið hafi sagt þetta upp á grín, en sími prests-
ins hringdi að kalla dag og nótt, og Haldor Hald hefur síðustu
fjórtán árin verið formaður Krosshers kirkjunnar. Það er fé-
lagsskapur, sem hefur það hlutverk að leitast við að bjarga
þeim, sem dýpst eru sokknir eða er að flæða: Áfengissjúkling-
um, eiturlyfjanotendum, saurlifnaðarmönnum, vændiskonum,
sakamönnum og öðrum börnum óláns og eymdar. Miðstöð þessa
félagsskapar er Nikulásarkirkjan. Og þar er ekki aðeins mess-
að. Þar er „skrifstofutími“ mestan hluta sólarhringsins. Prestar,
læknar, lögfræðingar, sálfræðingar og fjöldi annarra gegna þar
ólaunuðu sjálfboðastarfi. Og um 4000 manns leita ráða þeirra
árlega, ýmist með viðtölum, símtölum eða bréflega. Broddborg-
arar og úrhrök ganga þar jafnt til skrifta. Trúleysingjar og
heittrúarmenn. Þrisvar sinnum fleiri karlar en konur. Marg-