Kirkjuritið - 01.01.1961, Blaðsíða 49

Svar til Votta Jehóva.
Vottar Jelióva eru mjög ákafir víöa
aö breiöa út trúarskoöanir sínar. Svo
þykir m. a. prestum í Danmörku, og
hefur þetta svar birzt frá þeirra hálfu.
Kæri Vottur Jehóva. Þegar þér nú komið að dyrum mínum,
þá ætla ég ekki að gerast margorður við yður, heldur láta það
nægja, er hér segir:
Sífelldar heimsóknir yðar bera óneitanlega vitni um persónu-
legan áhuga yðar, en engan veginn um það, hvort kenning yðar
er sönn eða ekki. Og ég leyfi mér yfirleitt að efast um, að þér
séuð gagnkunnugur þeim boðskap, sem stendur skrifaður í bók-
um yðar og blöðum? Að minnsta kosti langar mig ekki til þess
að afneita barnatrú minni og tilbiðja í þess stað Guð hefnd-
arinnar, sem Varðturninn boðar.
Hefur yður aldrei furðað á því, að Jesús Kristur er í ritling-
um yðar nefndur „Böðullinn mikli“ og ,,Sá, er framkvæmir
blóðhefnd“, sem mun eyða í orustunni við Harmageddu öllum
fjendum sínum, þ. e. Varðturnsins. Finnst yður, ef þér viljið
vera alveg einlægur, að það minni á ástríkan frelsara Nýja-
testamentisins, sem bað fyrir óvinum sínum.
Og hvað eruð þér í rauninni að hugsa, þegar þér ásakið oss
íyrir það, að vér trúum því ekki, að Jesús hafi komið aftur
esýnilegur árið 1914. En þetta er, eins og þér vitið, megin-
kenning Votta Jehóva. Hafið þér aldrei lesið Lúk. 17, 24, þar
sem Jesús segir sjálfur, að endurkoma sín muni verða eins og
eldingin, er hún leiftrar úr einni átt undir himnum og skín í
annarri átt undir himnum — eða lesið Matt. 24, 36, þar sem
Jesús skýrir frá því, að enginn viti — jafnvel ekki sjálfur hann
— hvenær endurkoma hans muni eiga sér stað. Það hlýtur að
hafa vakið undrun yðar, að leiðtogar Votta Jehóva skuli 1 þess-
tun efnum hafa verið miklu vitrari en Jesús.
Hvað viðvíkur útreikningi Varðturnsins á raunverulegri end-