Kirkjuritið - 01.06.1963, Blaðsíða 38

Kirkjuritið - 01.06.1963, Blaðsíða 38
276 KIRKJURITIÐ skefjum, að þeir liafi fundið það áþreifanlega að þeir ynnu sér annars til aðhláturs og lítilsvirðingar með því að hlaupa út úr götu og gana út í kviksyndi gagnstætt ráðum og for- dæmum allra góðra manna. Unginn lærir flugið af erninum. Pólitískar siSgœbiskröfur Ólafur Thors, forsætisráðherra vék að því í ræðu sinni, þeirri, sem hann flutti af svölum Alþingishússins, að íslenzk- ar stjórnmálaumræður og sérstaklega íslenzk kosningabarátta, væri persónulegri og illskeyttari en hann þekkti til annars staðar. Vonaðist hann eftir að þetta breyttist til batnaðar í framtíðinni. Allur almenningur í öllum flokkum mun taka undir þá ósk. Menn eru fyrir löngu orðnir hundleiðir á áróðursskrifum blaðanna, sem raunar eru ekki aðeins með sama svip heldur jafnvel sama orðalaginu áratugum saman. Og meira að segja oftast um sömu mennina. Enda hafa for- ystumenn flokkanna verið þeir sömu í þrjá áratugi. Þjóðin vill í staðinn fá malefnalegri baráttu, hreinni lín- ur, og fyrst og fremst skýrar upplýsingar um deilumálin. Þannig var það eftir að Alþingi var endurreist. Þá gaf Jón Sigurðsson, þjóðleiðtoginn mikli, út vandað tímarit um lang- an aldur, af litlum efnum en miklu mannviti og brennandi hugsjónaeldi. Tilgangur þess var að frœða landslýðinn um þau mál, sem hann skipti mestu, svo að hann gæti notið lýð- ræðisréttinn: valið sér þá forystumenn, sem hann treysti bezt til að koma fram þeim málum, sem hann bar mest fyrir brjósti landi og lýð til heilla. Þekkingin er enn í dag hornsteinn lýðræðis og þjóðfrels- is. Einveldið byggir hins vegar á vanþekkingu fjöldans og afskiptaleysi. „Vér einir vitum", er kjörorð þess. En ekki óskum vér Islendingar þess í neinni mynd. 1 þessu sambandi má líka minna á tvær erlendar fréttir af stjórnmálasviðinu. Nelson Rockefeller, ríkisstjóri New-York- borgar hefur nýlega skilið við konu sína og kvænst annarri. Mjög líklegt er talið að þetta þyki svo mikill ljóður á ráði hans, að hann sé úr leik sem forsetaefni Bandaríkjanna. Kvennamál Profumo, brezka ráðherrans, hafa orðið hon- um að falli og þó einkum ósannsögli hans í sambandi við

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.