Kirkjuritið - 01.06.1963, Blaðsíða 49

Kirkjuritið - 01.06.1963, Blaðsíða 49
KIRKJUIUTIÐ 287 og 22. deseinber var lokið' að steypa veggi hennar. Síð'an var verkinu haldið áfram viðstöðulítið, unz kirkjan var fullgerð á þessu vori og vígð', eins og fyrr segir, s.l. sunnudag, 23. júní. Kirkjan er 92 ni2 að flatarmáli, steinsteypt með járnvörðu timburþaki, veggir múrhúðaðir að innan og einangraðir með vannaplasti, súð með' trétexi. Hún rúmar 95 manns í sæti. Teikning er gerð á skrifstofu húsa- meistara ríkisins, járnateikningar gerði Páll Flygenring. Þorvaldur Brynjólfsson annaðist smíða kirkjunnar að mestu, gröft fyr- ir grunni og múrverk. Hann hefur lánað' mikið' af byggingarefni og vinnulaun sín nær 511. Hefur þessi fágætí drengskapur ráðið úrslitum um það, að kirkjan komst upp svo fljótt og vel sem varð. Sóknarmenn hafa einnig lagt fram mikla sjálfboðavinnu, bæði við steinsteypu og málningu utan. Brugðust þeir vel við jafnan þegar til þeirra var leit- að og komu venjulega fleiri en brýnasta nauðsyn bar til, að því er for- maður byggingarnefndar, frú Sigríður Jónsdóttir sagði á vígsludegi. Frú Sigríður er einnig formaður sóknarnefndar, en með henni í sókn- arnefnd eru Jón Guðmundsson, Snartarstöðum og Pétur Guðmundsson, Skarði. Frú Gréta Björnsson gerði teikningu að tilhögun í kór og bekkjum og hún og maður hennar, Jón Björnsson, máluðu kirkjuna innan. Eins og fyrr segir höfðu konur í Lundarsókn frumkvæði í þessu máli, en óhætt er að segja, að frú Sigríður Jónsdóttir, húsfreyja að Lundi, hafi átt niestan þátt í því að hrinda því af stað og koma því fram. Maður hennar, Gísli Brynjólfsson, bóndi að Lundi, bróðir Þorvaldar frá Hrafna- björgum, hefur og með ráðum og dáð' stutt málið. Lundarheimilið' hef- ur verið miðstöð allra framkvæmda og enginn átroðningur verið eftir tal- inn né fyrirhöfn spöruð. Otul forganga og ósérplægni þessara hjóna og Þorvaldar hefur verið' metin og kom það glöggt fram á vígsludegi. En frú Sigríður sagði í lok ræðu sinnar, þegar hún rakti sögu byggingar- málsins: „Það' er gaman að' sluðla að verki, þar sem allir vilja rétta hönd til hjálpar, eins og við' þessa kirkjubyggingu". Sóknarpresturinn, séra Guðmundur Þorsteinsson á Hvanneyri, hefur verið traustur hvalamaður í þessu máli. Er önnur kirkja í siuíðum í prestakalli hans, kirkjan að Bæ, og munu Bæjarmenn hafa fullan hug á að skila því verki í höfn áður en langt líður. Vígsla hinnar nýju kirkju að' Lundi hófst kl. 2 með skrúðgöngu presta og ncfndarmanna safnaðarins úr gömlu kirkjunni, sem enn stend- ur. Aðstoð'armenn við vígsluna voru prófasturinn, sr. Sigurjón Guðjóns- son, Saurbæ, sr. Einar Guðnason, Reykholti, sr. Guðmundur Sveinsson, Bifröst, og Þorsteinn Kristleifsson, Gullberastöðum. Biskup vígði, sóknar- prestur, sr. Guðmundur Þorsteinsson, flutti stólræðu, skírði eitt barn í messunni og annaðist altarisþjónustu ásamt biskupi. Gísli Brynjólfsson, Lundi, flutti bæn í kórdyrum, organleik og söngstjórn annaðist Þorvald- ur Brynjólfsson. Meðhjálpari var Kristján Davíðsson, Oddstöðum. Fjöl. "nenni var við vígsluna og að' henni lokinni var samsæti í félagsheimil- inu að' Brautartungu. Kvenfélag sveitarinnar hafði veitingar af mikilli rausn. Margar ræð'ur voru fluttar og sungið á milli og stóð hófið fram

x

Kirkjuritið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Kirkjuritið
https://timarit.is/publication/443

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.