Alþýðublað Hafnarfjarðar - 01.04.1978, Blaðsíða 5

Alþýðublað Hafnarfjarðar
5

ftl lá n n ■KMnNn. 1L ; I 1 •. Jk, J ii Jmr*' Hörður Zóphaníasson: Átak ída jjj þolir engi gvistarmáli a bið. , im
Það er oft talað um að æsk-
an sé framtíð þjóðarinnar,
yngstu borgararnir framtíð
sveitarfélagsins. Það hlýtur því
að vera ein af 'frumskyldum
sveitarstjórnarmanna að vaka
yfir og vernda þessa fjársjóði
framtíðarinnar, gæta þess í
hvívetna að uppeldisskilyrði og
þroskamöguleikar barna í
bæjarfélaginu séu sem bestir.
Ég ætla að gera þessi mál að
ofurlitlu umtalsefni hér og
stikla þó á stóru.
Það er viðurkennd staðreynd
að aldrei lærir maðurinn eins
mikið og á fyrstu árum bernsk-
unnar. Gamalt máltæki segir
líka: Lengi býr að fyrstu gerð.
Það er þess vegna mikilvægt að
búa vel að hverjum einstaklingi
strax í frumbernsku hans, hvar
stöndum við í þessum efnum í
dag?
Þjóðfélagið hefur .breyst
stórkostlega á undanförnum
áratugum og það er sífellt að
breytast.Áður áttu börnin kost
á þvi að taka þátt í daglegu lífi
foreldra sinna, af því að veru-
legur hluti vinnunnar fyrir lífs-
viðurværi fjölskyldunnar fór
fram á heimilunum eða í
tengslum við þau. Nú eru aðrir
tímar og þjóðfélagshættir,
hvort sem mönnum líkar það
betur eða verr. Fjölmargir for-
eldrar verða að sækja vinnu
fjarri heimilum sínum, til þess
að afla nauðsynlegra tekna
fyrir heimilisreksturinn. Til
þess að þetta geti gengið þurfa
að vera til aðgengilegir leik-
skólar og dagheimili.
Um hlutverk dagvistar-
heimila segir í Alþýðublaðinu
hinn 15. apríl s.l.: „Hlutverk
dagvistarheimila í nútíma
þjóðfélagi eru margþætt, en
starfsemin sem þar fer fram á
að leitast við að efla persónu-
legan, vitsmunalegar og félags-
legan þroska barnanna. Svo
lengi lærir sem lifir segir mál-
tækið. Aldrei síðar á æviskeið-
inu Iærir maðurinn eins mikið
og á fyrstu árum bernskunnar.
Það er mikið nám sem á sér
stað hjá barni frá því það ligg-
ur ósjálfbjarga í vöggu og þar
til það hefur skólagöngu. Með
öllu daglegu atferli sínu er
barnið að læra að búa sig þar
undir lífið.
Á dagvistunarheimilum fer
fram margskonar fræðsla, sem
miðar að því að örva þroska
barnsins á sem flestum sviðum
og efla þekkingu þess og
skilning á sjálfu sér,
umhverfinu og því þjóðfélagi,
sem það lifir í. Barnið fær
fræðslu á tvennskonar hátt.
Annars vegar óbeina fræðslu
sem það aflar sér sjálft í sam-
skiptum sínum við umhverfið
og hins vegar beina fræðslu
sem það fær við skipulagðar
aðstæður, t.d. í samveru- og
fræðslustundum þar sem
ákveðin málefni eru tekin til
meðferðar.“
Skortur á leikskólum og dag-
heimilum í Hafnarfirði er geig-
vænlegur. Fjöldi barna er á
biðlistum á leikskólum, en á
dagheimili er vonlaust með
öllu að koma börnum i
Hafnarfirði nema börnum for-
gangshópa.
Núverandi bæjar-
stjórnarmeirihluti hefur sýnt
þessum málum algert tómlæti,
svo að ekki sé meira sagt.
Bæjarfulltrúar minnihlutans
hafa flutt ýmsar tillögur um
þessi mál í bæjarstjórn
Hafnarfjarðar en talað þar fyr-
ir daufum eyrum bæjarfulltrúa
Sjálfstæðisflokksins og
„óháðra borgara“. Það má
ekki einu sinni gera könnun á
þessu vandamáli, til þess að
hægt sé að gera sér betur grein
fyrir umfangi þess og nauðsyn,
hvað þá heldur að gera
áætlanir um úrlausnir. Tillögur
um það hafa ýmist verið felldar
eða svæfðar. þetta má ekki svo
til ganga áfram. Hér verður að
koma breytingu á.
í Hafnarfirði eru um 1250
börn á aldrinum tveggja til sex
ára, en það eru börn á þessum
aldri sem leikskólar og dag-
heimili taka á móti. Hér í
Hafnarfirði munu um 260 börn
fá inni á þessum dagvistar-
heimilum, þ.e. tæplega 21%
barnanna á þessum aldri. í
Kópavogi var verið að taka
nýtt dagvistarheimili í notkun
og munu nú um 25% barna i
þessum aldursflokkum eiga
kost á dagvistun þar, enda
langt frá því að þörfinni sé full-
nægt þar í þessum efnum. Ef
skyggnst er til grannþjóða okk-
ar má nefna að t.d. i
Danmörku er pláss fyrir 45%
barna á þessum aldri á dagvist-
arheimilum. Þó er Danmörk
ekki i fararbroddi Norður-
landa i þessum efnum.
Af þessu má ljóst vera, að
það verður að gera átak í dag-
vistarmálum hafnfirðinga á
næsta kjörtímabili. Það verður
að byggja bæði leikskóla og
dagheimili. Að minni hyggju
eiga þetta ekki að vera stórar
byggingar, heldur fremur lítil,
hentug og notaleg hús ætluð til
þessara starfa og væru sem við-
ast um bæinn. Það mætti ekki
setja markið lægra en að árið
1982 gætu 30 til 35% barna á
aldrinum tveggja til sex ára
fengið aðgang að dagvistunar-
heimili.
Til þess að tryggja sem
hagkvæmastar og skynsamleg-
astar leiðir í þessum málum
ætti bæjarstjórn að hafa frum-
kvæði um að mynda starfs-
hópa til að leita nýrra og hag-
kvæmari leiða í dagvistar-
málum. í þessum starfshópum
þyrftu m.a. að vera fóstrur,
foreldrar og kennarar og
annað það fólk sem mál þessi
brenna á og hefur áhuga og
vilja til að stuðla að fram-
kvæmd þeirra. Það hefur of
lítið verið gert að því að leita til
fólksins i bænum um hug-
myndir og framkvæmdir
ýmissa mála og hefði efalaust
margt betur farið í bæjar-
félaginu okkar á undanförnum
árum, ef það hefði verið pe,