Alþýðublað Hafnarfjarðar - 15.05.1978, Blaðsíða 4
4
Alþýðublað Hafnarfjarðar
ALÞYÐUBLAÐ
HATNARDARÐAR
Útgefandi: Alþýðuflokkurinn ( Hafnarfirði 1
Ritstjóri: Guðni Björn Kjærbo t
Setning: Acta hf. I
Prentun: Hafnarprent %
A ukin áhrif
bcejarbúa
Eitt af því sem hefur verið einkennandi fyrir núverandi bæjar-
stjórnarmeirihluta er sambandsleysi hans við fólkið í bænum,
viljaleysið til þess að kynna sér og taka tillit til viðhorfa þess og
óska. Tveir menn hafa þar öllu ráðið og aðrir bæjarfulltrúar
meirihlutans orðið að dansa nauðugir viljugir samkvæmt á-
kvörðun þeirra og vilja. Lýðræði hefur þar hvergi nærri komið.
Skoðanir hins almenna bæjarbúa hafa skipt þá engu. Svona á
ekki að stjórna bæjarfélagi og svona má ekki stjórna því.
Það hefur verið ákveðið að á kjörtímabili næstu bæjarstjórn-
ar verði fastir og reglulegir fundir með öllum þeim sem nú skipa
sætin í lista Alþýðuflokksins við komandi bæjarstjórnar-
kosningar. Á þessum fundum verða bæjarmálin reifuð og rædd.
Þannig munu allir þeir sem A-listann skipa hafa áhrif á stefnu
og gerðir bæjarfulltrúa Alþýðuflokksins næsta kjörtímabil.
Þetta er einn þáttur í lýðræðislegum vinnubrögðum.
Þá munu bæjarfulltrúar Alþýðuflokksins beita sér fyrir því,
að bæjarstjóri og bæjarfulltrúar haldi öðru hverju fundi í
hinum ýmsu bæjarhverfum eða bæjarhlutum, þar sem tekið
verður til umræðu það sem efst er á baugi í þeim málum, sem
sérstaklega snerta íbúa viðkomandi hverfis. Þannig er hægt að
gefa bæjarfulltrúum tækifæri til að skýra og ræða viðhorf sín til
hinna ýmsu mála viðkomandi bæjarhluta og þannig gefst íbúum
hverfisins tækifæri til að koma áhugamálum sínum og sjónar-
miðum á framfæri við bæjarfulltrúa. Þannig er hægt að treysta
lifandi samband milli bæjarbúa og þeirra, sem þeir hafa falið að
fara með stjórn bæjarins hverju sinni. Þetta er annar þáttur í
lýðræðislegum vinnubrögðum.
Þeir sem telja þetta spor í rétta átt, þeir sem aðhyllast lýðræð-
islega stjórnarhætti, þeir ættu að.undirstrika þann vilja sinn
með því að kjósa Alþýðuflokkinn í næstu kosningum.
Orðsending
til kjósenda
og stuðningsmanna
Alþýðuflokksins
í Hafnarfirði:
• Utankjörfundaratkvœðagreiðsla í Hafnarfirði fer
fram á skrifstofu bæjarfógeta Strandgötu 31,
klukkan 8.45 20.00 alla virka daga, klukkan 10.00
20.00 á laugardögum og á helgidögum frá klukkan
13.00 til 19.00
*
• Athugið að kjósa sem fyrst, ef þið verðið ekki í
bœnum sunnudaginn 28. maí.
•Minnið kunningjana á að nota kosningaréttinn og
kjósa sem fyrst hjá bœjarfógeta, ef þeir verða ekkki
í bœnum á kjördag.
• Hafið samband við kosningaskrifstofuna, sími
50499, efþið þurfið á upplýsingum að halda.
*
SAMTAKA SIGRUM VIÐ HAFNARFIRÐI TIL
HEILLA
Þorleifur Guðmundsson
Hafnarfirði Minning
Þorleifur Guðmundsson
eldvarnaeftirlitsmaður og
fyrrum verkstjóri Hafnar
fjarðarbæjar andaðist 2. maí
s.l. Þorleifur var fæddur í
Arnarfirði en fluttist með
foreldrum sínum til Hafnar
fjarðar 11 ára að aldri og hefur
átt heima í Hafnarfirði síðan.
Þorleifur var áhugasamur og
einlægur jafnaðarmaður og
starfaði vel í Alþýðuflokknum.
Öll störf Þorleifs báru honum
fagurt vitni. Þorleifur var
jarðaður frá Þjóðkirkjunni í
Hafnarfirði s.l. fimmtudag.
Alþýðublað Hafnarfjarðar
þakkar Þorleifi velunnin störf
í þágu jafnaðarstefnunnar um
leið og það sendir öllum að
standendum hans dýpstu
samúðarkveðjur.
Minning:
Gísli Jón Egilsson
Hinn 22. april s.l. lést Gísli Jón
Egilsson 57 ára að aldri. Gísli
Jón var borinn og barnfæddur
Hafnfirðingur og rak ásamt
eftirlifandi eiginkonu sinni
Sigrúnu Þorleifsdóttur
blómabúðina Burkna. Gísli
Jón var hvers manns hugljúfi
og var einn af þeim mönnum
sem óx við kynninguna. Útför
Gísla Jóns fór fram frá
Þjóðkirkjunni s.l. fimmtudag
að viðstöddu fjölmenni.
Alþýðublað Hafnarfjarðar
flytur öllum aðstandendum
Gísla heitins innilegar
samúðarkveðjur.
Skátaskálinn
í Hverahlíð
Nokkrir gamlir félagar úr
skátafélaginu Hraunbúar
hafa bundizt samtökum um
endurbyggingu útilegu
skála félagsins við Kleifarvatn.
Skálinn er orðin yfir 30 ára
gamall og því farinn að láta
nokkuð á sjá og þarfnast
töluverðrar lagfæringar.
Til að afla fjár til endur
byggingarinnar hefur hópurinn
sent nokkrum gömlum skátum
bréf og óútfylltan gíróseðil
með ósk um fiárframlög. Er
það ósk þeirra og von, að
menn bregðist vel við svo fjár
skortur þurfi ekki að verða
framkvæmdum fjötur um fót.
Þeir sem ekki hafa fengið
slíkt bréf en vilja láta eitthvað
af hendi rakna geta komið
framlögum til Sparisjóðsins
eða til einhverra undirritaðra.
Bragi Guðmundsson
Ásgeir Sörensen
Gunnar Bjarnason
Hermann Sigurðsson
Sigurður Baldvinsson
Gamli skátaskálinn í Hverahlíð.
Kosningaskrifstofa
Alþýðuflokksins í Hafnarfirði
er og verður opin íAlþýðuhúsinu sem hér segir:
Mánudaga, þriðjudaga, miðvikudaga, fimmtudaga
ogföstudaga klukkan 16.00-19.00 og klukkan 20.30-
22.00. Laugardaga og sunnudaga klukkan 14.00-
18.00.
Stuðningsfólk Alistans hafi samband við
skrifstofuna. Munið að margar hendur vinna lékk
verk. Síminn á skrifstofunni er 50499.
Alþýðuflokkurinn íHafnarfirði