Jörð - 01.04.1941, Side 40

Þórarinn á Hjaltabakka:
Magnús Stefánsson
Flögu í Vatnsdal
12. Sept. 1870 - 20. Sept. 1940
Dagur rís og dagur fellur;
dags er mörkuð leið, —
og þegar heljar hljómur gellur
hnígur æfiskeið.
Allt er lífið lögum bundið,
ljóss- óg myrkraskil.
Við ávöxtum þar æfipundið
eilífs þroska til.
Þitt æskuvor við fjörðinn fríða
fékk þér þor og dug:
Allt að græða, allt að prýða
með iðni og framtakshug.
Og fjölmargt namst í föðurhúsum,
sem frama glæddi þinn.
Og vannst þar allt með vilja fúsum
sem væni sonurinn.
Svo fluttir þú hingað föðurskjólið
í fagran sögudal.
Þú byggðir hérna höfuðbólið
með húsa- og gróðrarval.
Þú lagðir hönd að heilu verki
í húsakosti lands.
Þú vannst þér öruggt aðalsmerki
og afrek sæmdarmanns.
Gæðadalur! Geymdu verkin,
gerð af trú og dyggð.
Sýndu öllum aðalsmerkin
út um landsins byggð.
Láttu gróa í gengnum sporum
gróður beztan lands.
Þá sést bezt, í þroska vorum,
þökk til dáins manns.
38
JÖRD