Jörð - 01.06.1943, Page 54

og aldavinur mesta trúmanns háskólans, Westergaards
hagfræðings, er jafnframt var einhver frægasti vísinda-
maður háskólans. Lassen var góður Islendingum og nutu
íslenzkir Garðstúdentar í ríkum mæli umburðarlyndis
hans. Má vera, að þeim hefði verið hagkvæmara meira
aðhald af hans liálfu.
r
TSLENZKIR stúdentar á Garðinum vörðu stundum til
jafnaðar tæplega hálfum tíma sínum til náms. Til
voru að visu íslenzkir stúdentar þar á sérhverju tíma-
bili, er stunduðu nám sitt af stöðugri alúð og reglusemi,
— en líklega hafa þeir sjaldan verið i meiri liluta. Og
eftir að slakað var til á eftirlitinu með sókn stúdenta til
fyrirlestra og æfinga, voru þeir víst heldur ekki alltaf
fleiri, sem gutluðu við nám eða tóku sig seint og síðar
meir lil við lesturinn, en hinir, sem varla er unnt að
segja um, að snertu við liáskólanámi. Hvað stunduðu þeir
þá, allir þessir íslenzku Garðstúdentar, er lítt eða ekki
sinntu námi? Það var nú að vísu talsvert misjafnt, en
eitt var þó sameiginlegt með þeim: Þeir höfðu slæp-
ingshátt „fyrir aðalfag“. Sem „aukafög“ stunduðu þeir
fleiri eða færri af eftirtöldum greinum: Reykingar,
drylckjuskap, kvennafar, skáldsagnalestur (af betra tag-
inu), Ijóðalestur og' leikrita-, lestur annara fagurra eða
heimspekilegra bókmennta, ljóðagerð, samtöl sín á milli
(eða við gesti) um skáldskap og aðrar hókmenntir, um
lífið og tilveruna, kvenfólk, kvennafar, drykkjuævintýri,
félagslíf stúdenta, „lcólóniuna“ (landa í Kaupmananhöfn),
menn og málefni í lieimi stjórnmála og hókmennta heima
á Fróni og í Danmörku eða öðrum löndum, milliríkja-
pólitík, Sambandsmálið, Garðpólitik (sbr. seinna), ný-
komna landa — og svo tefldu þeir og spiluðu — og þá
dreymdi dagdrauma (marga og langa) — og svo grétu
þeir — í einrúmi — þurrum tárum — yfir ógnandi auðnu-
leysi og ástvinunum heima, er lögðu hart að sér til að
kosta þá til náms eða gerðu sér a.m.k. allt aðrar og feg-
urri hugmyndir um námsferil þeirra, en reyndin rétt-
148 JÖRÐ