Jörð - 01.06.1943, Síða 78

svo óárenniegt, að mér þótti ekki viðlit að fara þar
yfir. Hlaut ég þá að leita niður með vatninu, þangað sem
líklegra var, að það væri fært. Þar breiddist það betur út
og var i fleiri álum. Við það nálgaðist ég syðri veginn,
póstleiðina, þá frá Vik, austur í Álftaver. Þegar ég var
kominn nokkuð áleiðis, lagði ég út í og gekk vel yfir 2—3
landálana og átti þó erfitt með að verjast sundi, því þeir
runnu í skorum. Þá koniu tveir meginálar og var sá eystri
miklu breiðari og meiri. Ég sá, að hann mundi ekki vera
mjög djúpur og óliklegur til þess að falla mikið á síðu,
en liinu bjóst ég við, að þar mundu ekki „glymja járn
í steinum" og að því varð mér.* Ég var ekki kominn langt
út í hann, þá er liesturinn veltist um í sandbleytu með
þeim árangri, að ég slilnaði af. Skammt neðar féll állinn
þarna að djúpri lygnu við eyri austan megin. Var sú „for“
víst nógu djúp og rúmgóð gröf fyrir mig, ef dagarnir
hefðu verið uppi. Og víst er um það, að hefði mig borið
að því landinu, þá væri þessi atburður skráður í Rejdcja-
víkurblöðunum frá Október 1900 með örfáum línum á
þessa leið:
Unglingspiltnr drukknar. Unglingspiltur úr Skaftár-
tungu, að nafni Stefán Hannesson, fór í Sandvatnið á
Mýrdalssandi. Var einn á ferð vestur yfir sandinn 26. Sept.
Loftur póstur fann hestinn, með hnakk og beizli, undir
sandöldu vestan megin vatnsins, er hann var á leið út
yfir (i póstferð) þenna sama dag. Líkið er ófundið. Hef-
ur sennilega borizt ofan í lygnu og sandkafið.“
En dagirnir voru ekki taldir. Þegar þarna var komið
og ég var slitinn af Skjóna mínum, vissi ég illa, hvað
gerðist, og þó komst ég á fæturna, en sandbotninn var
laus, og þungur straumur, er.skóf undan fótum. Svo sökk
ég og hentist áfram og lief vist ósjálfrátt krafsað í botn-
inn með höndunum og vissi ekki mitt rjúkandi ráð, fyrr
* Hér vill nú samt ritstj. gera þá athugasemd, að Sandvatnið
veltir í sífellu fram ótölulegum grúa stærri og smærri hnullunga
— en aö því kveður nú e. t. v. minna svo sunnarlega — enda kem-
ur þetta ekki í bága við þa'ð, er höf. er að tala um.
172
JÖRÐ