Templar - 31.05.1918, Blaðsíða 1

Templar - 31.05.1918, Blaðsíða 1
TEMPLAR. XXXI Reykjavík, 31. maí 1918. 5. blað. Stefnuskrá Good-Templara. I. Algerð afheitun allra áfengisvökva til drykkjar. II. Ekkert leyfi f neinni mynd, hversu sem á stendur, til að selja áfengisvökva til drykkjar. 411. Skýlaust forboð gegn tilbúningi, innflutningi og sölu áfengisvökva til drykkjar; forboð samkvæmt vilja þjóðarinnar framkomnum ( réttu lagaformi, að viðlögðum þeim refsing- um, sem svo óheyrilegur glæpur verðskuldar. ' V. Sköpun heilsusamlegs almenningsálits á máli þessu, með ötulli útbreiðslu sannleikans á alla þá vegu, sem mentun og mannást eru kunnir. V. Kosinng góðra og ráðvandra manna til að framfylgja lögunum. VI. Staðfastar tilraunir til að frelsa einstaklinga og bygðarfélög frá þessari voðalegu bölvun, þrátt fyrir allskonar mótspyrnur og örðug- leika, þar til vér höfum borið ligur or být- nm nro allan heim. Stórstúkuþingið. Eins og áður hefur verið auglýst hér í blaðinu, þá á stórstúkuþingið að koma saman hér í Reykjavík og hefst það laugardaginn 8. næsta mánaðar. Líklegt er, að þar mæti álíka margir fulltrúar og á síðasta þingi eða milli 20 og 30 auk embættismanna, fyrver- andi fulltrúa og heimsækjenda. Fyrir hverju stórstúkuþingi liggja á- kveðin störf, svo sem samþykt reikn- inga hins liðna tímabils, endurskoðun dóma (ef nokkrir eru), samþyktar skýrsl- ur embættismanna, kosning embættis- manna (framkvæmdarnefndar) og ýms störf, sem eru bein afieiðing af skipu- lagi Reglunnar og stjórnarfyrirkomulagi hennar. Fjárhagsáætlanir skulu og gerð- ar fyrir næsta fjárhagstímabil og ákvarð- anir teknar um útbreiðslumálin, ungl- ingastarfsemina o. fl. Á það hefur oft verið minst hve bráða nauðsyn beri til þess að efla og útbreiða unglingastarfsemina og mun það mál nánar athugað hér í blaðinu síðar. En auk þessa er þó eitt mál, sem er bráð nauðsyn á að veitt verði meiri at- hygli í framtíðinni heldur en áður hef- xir átt sér stað, en það eru hin innri störf Reglunnar og siðaathafnir. Frá því fyrsta, að Reglan hóf göngu sína hér á landi, hefur verið meiri á- herzla lögð á vinnuna út á við, sem sé, að vinna að útbreiðslu bindindis- og bannhugsjónarinnar meðal þjóðarinnar, sem auðvitað var og er bráðnauðsyn- legt starf, en af þeim ástæðum, hefur öllu verið beitt í þá átt og þess vegna hefur hið innra starf orðið að lúta i lægra haldi. P\í hefur ekki verið sýnd- ur sá sómi, sem það í insta eðli sínu á skilið. Nú virðist vera kominn timi til að leggja stund á hið innra starf, einkum siðastarfið og sýna því alla þá alúð og nákvæmni, sem menn geta í té látið. Bannlög- Bandaríkjanna. Stjórnlagabreyting Bandaríkjanna, sem sambandsþingið sam- þykti i vetur er leið, hljóðar svo: 1) Einu ári eftir ríkjasamþykt þessara laga skal tilbúningur, sala og flutningur áfengisvökva til drykkjar í Bandaríkjunum, innfiutningur þeirra þangað eða útflutningur þeirra þaðan eins og í öllum landssvæðum i lögsagnarumdæmi þeirra vera bannaður. 2) Allsherjarþingið og hin sérstöku ríki skulu hafa sameigin- legt vald til þess að framtylgja þessum lögum með viðeigandi lagaákvæðum. 3) Þessi lög ganga ekki i gildi nema þau innan sjö ára frá samþykt þeirra í allsherjarþinginu (17. desember 1917) hafi öðlast samþykki hinna ýmsu ríkja sem hluta af grundvallarlögunum á þann hátt sem þau lög gera ráð fyrir. Sex ríki samþykkja stjórnlagabreytinguna. Auk þeirra ríkja, sem áður eru talin, hafa eftirnefnd ríki samþykt allsherjarbannið: Maryland 13. febr. þ. á. efri málstofan með 20 atkvæðum gegn 7 og neðri málstofan með 58 gegn 36; Montana 19. febrú- ar, efri málstofan með 37 atkvæðum gegn 2 og neðri málstofan með 86 gegn 7; Texas 18. marz, efri málstofan með 16 atkvæðum gegn 8 og í neðri málstoíunni með 68 atkvæðum gegn 29; Suð- ur-Dakota 20. marz og Massachusetts 2. apríl. Atkvæðatalan í tveim síðustu ríkjunum er ekki kunn. — Maryland, Texas og Massachusetts eru vínsöluríki. — Ekkert ríki hefur enn þá felt stjórnlagabreytinguna. — Nú telja bannmenn sér sigurinn vísan í Bandaríkjunum, þvi 5 vinriki af 11 hafa þegar lýst samþykki sínu, Bráðabyrg-ðarbann í Kanada. Sir Robert Borden, forsætisráðherra í Kanada, lýsti því yíir, 23. desember 1917, að stjórnin hefði úrskurðað: að allir vökvar, sem í væri meira en T-f^fa áfengi, skyldi teljast áfengur drykkur, að innflutningsbann skuli vera á áfengum drykkjum frá og með 24. desember 1917, að allur umflutningur innanlands sé bannaður eftir 1. apríl 1918, að áfengistilbúningur verði síðar bannaður með sérstökum úrskurði, að úrskurður þessi skuli vera í gildi meðan á ófriðinum stendur og eitt ár eftir að friður er saminn. Ofanskráðar fregnir eru að mestu leyti teknar eftir »The International Re- cord«, sem gefið er út á Englandi af Mr. Guy Hayler, Alþi.-Gæzlum.-Kosninga.

x

Templar

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Templar
https://timarit.is/publication/532

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.