Þjóðmál - 07.06.1974, Blaðsíða 9
ÞJÓÐMÁL
9
F-listi á Suðurlandi
1. Efsta sæti á F-listanum i
Suðurlandskjördæmi skipar
Arnór Karlsson bóndi á Bóli i
Biskupstungum og kennari við
Lýðháskólann i Skálholti. Arnór
er fæddur 9. júlf 1935 að Efstadal i
Laugardal, sonur Karls Jónsson-
ar bónda þar og siðar I Gýgjar-
hólskoti, Biskupstungum og konu
hans Sigþrúðar Guðnadóttur, sem
látin er fyrir sjö árum. Arnór er
af merkum ættum eins og sjá má
á þvi að Einar Arnórsson ráð-
herra var ömmubróðir hans,
móðir hans og Asgrimur Jónsson
listmálari voru systkinabörn og
loks er hann sjötti maður frá
bróður Fjalla-Eyvindar. Arnór er
ókvæntur.
Nám að loknum barnaskóla
stundaði Arnór i Iþróttaskólanum
i Haukadal og skólunum á
Laugarvatni, en þaðan lauk hann
stúdentsprófi 1958. Var siðan eitt
ár við nám i dýralækningum i
Þýskalandi en hætti þá námi og
sneri sér að búskap og hefur siðan
búið að Bóli. Aður en Arnór hóf
framhaldsnám og á námsárunum
stundaði hann margvisleg störf,
búskap og byggingavinnu,
vinnslu sjávarafla og sjó-
mennsku. Á búskaparárunum
hefur hann verið fenginn til að
kenna við ýmsa skóla I sýslunni,
nú siðast við lýðháskólann i Skál-
holti.
Arnór hefur starfað mjög mikið
að félagsmálum: i ungmenna-
félagshreyfingunni, búnaðar-
félagi og búnaðarsambandi, og i
samvinnufélögunum. Hann hefur
einnig átt sæti i hreppsnefnd
Biskupstungnahrepps s.l. 4 ár,
svo að eitthvað sé nefnt.
Arnór gekk i F.U.F. i Arnes-
sýslu skömmu eftir að hann hóf
búskap og siðar i Framsóknar-
félagi Árnessýslu. Hann hefur
gegnt ýmsum störfum á vegum
flokksfélaganna og var m.a.
formaður kjördæmissambands
Framsóknarflokksins i Suður-
landskjördæmi i eitt ár. Arnór
hefur jafnan verið vinstri-
framsóknarmaður og tók þátt i
stofnun Möðruvallahreyfingar-
innar s.l. sumar og var kjörinn i
framkvæmdastjórn hennar.
2. 1 2. sæti á F-listanum i
Suðurlandskjördæmi er Vésteinn
ólason lektor. Hann er fæddur á
Höfn i Hornafirði 1939 af aust-
firskum og skaftfellskum ættum,
en alinn upp i Villingaholti i Flóa.
Hann stundaði framhaldskóla
nám á Skógum og Laugarvatni,
varð stúdent 1959 og magister i is-
lenskum fræðum 1968. Á námsár-
unum stundaði Vésteinn kennslu,
m.a i Vestmannaeyjum i eitt ár.
Að námi loknu hefur hann verið
kennari við háskólana i Kaup-
mannahöfn og Reykjavik. Hann
hefur skrifað allmikið i blöð og
timarit og starfað fyrir útvarp og
sjónvarp.
Vésteinn hefur alltaf starfað
mikið að félagsmálum, sat t.d. i
stúdentaráði H.l. eitt ár. Hann
skipaði annað sæti á I-listanum I
Reykjavik 1967 og var þvi vara-
maður Hannibals Valdimarsson-
ar kjörtimabilið 1967-1971 og hef-
ur fullan hug á að vera vara-
þingmaður næsta kjörtimabil.
Hann var kjörinn i framkvæmda-
stjórn SFV á landsfundi 1972.
Vésteinn er kvæntur Unni
Jónsdóttur frá Vestmannaeyjum
og eiga þau tvö börn.
3.Þriðja sæti F-listans skipar
Arnþór Helgason úr Vestmanna-
eyjum. Hann er fæddur i Vest-
mannaeyjum 1952 og er þar enn
búsettur, þótt hann hafi orðið að
dveljast i Reykjavik siðustu ár
vegna náms sins. Arnþór varð
stúdent frá Menntaskólanum i
Reykjavik árið 1972. Hann hefur
starfað allmikið i Blindrafélaginu
og situr nú i stjórn þess. Arnþór
varð þjóðkunnur svo að segja á
einu kvöldi fyrir Eyjapistil sem
hann stjórnaði ásamt Gisla bróð-
ur sinum með mikilli prýði.
Arnþór er ókvæntur.
4. Baldur Árnason er fæddur
þann 3. febrúar 1922. Hann hóf
búskap að Torfastöðum i Fljóts-
hlið, Rang, árið 1948 og hefur búið
þar siðan. Kona Baldurs er Anna
Sigriður Sigurjónsdóttir og eiga
þau fimm börn.
5.sæti F-listans I Suðurlands-
kjördæmi skipar Hildur Jónsdótt-
ir úr Vestmannaeyjum. Hún er
fædd I Eyjum 1935 og lauk gagn-
fræðaprófi þaðan, en stundaði
siðan nám i handavinnu, fyrst i
Osló og siðan við Kennaraskóla
Islands. Lauk kennaraprófi 1957.
Hún hefur siðan verið handa-
vinnukennari við gagnfræðaskól-
ann og barnaskólann i Vest-
mannaeyjum. Siðustu ár hefur
hún verið formaður Sjálfsbjargar
i Vestmannaeyjum og setið i
stjórn landssamtakanna og unnið
að málefnum þeirra. Hildur er
gift Daniel Traustasyni skip-
stjóra á Kóp og eiga þau þrjú
börn.
6. Sigurjón Bergsson er fædd-
ur á Selfossi þann 13. ágúst 1944.
Lærði simvirkjun árin 1963-1966.
Sigurjón er giftur Pálinu
Tómasdóttur frá Otradal við
Arnarfjörð. Eiga þau þrjú börn og
búa að Stekkholti 5 á Selfossi.
7. Guðmundur Wiium Ste-
fánsson, trésmiður, Hveragerði.
8. Sigurður Sigfússon, útibús-
stjóri, Laugarvatni.
9. Sigurveig Sigurðardóttir,
hjúkrunarkona, Laugarvatni.
10. Sigmundur Stefánsson,
viðskiptafræðingur, Arabæ,
-Gaulverjabæjarhreppi.
11. Halldór Hafsteinsson.
bilamálari, Selfossi.
12. Ármann Ægir Magnússon,
iðnnemi, Hveragerði
Listi SFV,,
Möðruvalla-
hreyfingarinnar
og Samtaka
jafnaðar-
manna
er F-listinn
Skrifstofa SFV-félagsins
í Reykjavík
Þeir, sem vilja leggja hönd á plóginn i
sambandi við störf fram að kosningum,
geri starfsmanni félagsins, Sigurlaugu
Guðmundsdóttur viðvart um það i sima
27075 eða komi í Ingólfsstræti 18.
Möðruvallahreyfingin
og F-listinn
Framhald af bls. 7.
Sömuleiðis tillaga um, að farið yrði eftir áskorunum
kjördæmisþinganna um viðræður innan flokksins til
þess að jafna ágreininginn ef hægt væri. Og einnig
tillaga um, að Timinn, sem vera á málgagn samvinnu-
manna, yrði á ný skeleggt baráttutæki fyrir fram-
sóknarmenn og ávallt óháð fjármagni einkabrasksins.
Það kom þvi fram i allri afgreiðslu mála, að ráða-
menn flokksins vildu ekkert samkomulag við'M'öðru
vallahreyfinguna, heldur þvert á móti strið. Forustan
beitti meirihluta sinum til þess að berja niður allar
tillögur vinstrimanna og tilkynnti þeim þannig, að
ekkert tillit yrði tekið til stefnumála þeirra.
F-listinn berst fyrir stefnumiðum
Möðruvallah reyfi ngarinnar
Þessi staða blasti við þegar alþingi var skyndilega
rofið og ákveðið að ganga til alþingiskosninga 30. júni
næstkomandi. Möðruvallahreyfingin liafði þá um það
að velja, að halda áfram starfi sínu innan Fram-
sóknarflokksins án þess að hafa þar nein áhrif, og eftir
að stefnumál hennar höfðu verið felld, eða leita til
kjósenda á grundvelli þeirra stefnu mála.
Möðruvallahreyfingin valdi siðari kostinn og þá
jafnframt, að leita til kjósenda með SFV og Samtökum
jafnaðarmanna, þar sem um algjöra málefnasam-
stöðu var að ræða á milli þessara þriggja aðila. Enda
kemur skýrt I Ijós við Icstur kosningaávarps F-listans,
að þar er stefnan i þeim málum, sem Möðruvaila-
hreyfingin hefur mest borið fyrir brjósti, skýr og ein-
dregin.
Það auðveldaði Möðruvallahreyfingunni ennfrekar
Þetta val, að fyrir liggur, að án verulegs þingstyrks
F-listans verður engin vinstristjórn mynduð hér á
landi. F-listinn er þvi forsenda vinstristjórnar.
Það fer þvi saman, að F-listinn berst fyrir þeim
stefnumálum, sent Möðruvallahrey fingin hefur á
oddinum, og að F-listinn er forsenda þess, að hægt sé
að mynda rikisstjorn, sem framkvæmir þá stefnu.
Þetta verða allir vinstrisinnaðir kjósendur að gera
ser göða grein fyrir i kosningunum 30. júni
næstkomandi. Sérstaklega verða allir þeir stuðnings-
inenn Framsóknarflokksins, sem vilja vinstristjórn og
viiistristefnu, aðgera sér þetta ljóst. Það eru þeir, sem
ráða þvi öðrum fremur hvort vinstristjórn eða hægri-
stjórn tekur við á lslandi eftir 30. júni.
Þeir, sem vilja vinstristjórn, kjósa þvi F-Iistann.