Sjómannadagsblaðið - 03.06.1963, Blaðsíða 18

......
... -iir/..'''‘>: t *
'íÉrr:‘ ‘II r i? i mi i n >l-1.* i .

fggjSV': ■';'. .:
■ •;, ■

Sjómannadogurinn ó Akureyri
Það eru nú liðin 25 ár ,síðan sjó-
mannadagurinn var fyrst haldinn
hátíðlegur á Akureyri, eða í fyrsta
sinni sunnudaginn 4. júní 1939, og
þó að þetta sé ekki langt tímabil í
heimssögunni, er ei að síður þess
vert að hvarfla þúganum andartak
til baka, og bregða upp skyndimynd
af því sem dagurinn hefur að leggja
til í bók minninganna á þessu tíma-
bili.
Hvenær hugmyndin um sérstakan
sjómannadag fyrst skaut upp koll-
inum, er ekki vitað, en hún mun
vera nokkuð gömul, líklega litlu
yngri en fyrsti maí sem hátíðisdag
ur, en Reykvíkingar og Hafnfirðing-
ar urðu fyrstir til þess að gera hug-
myndina að veruleika, og þeim tókst
það ágætlega. Það var árið 1938.
Akureyringar voru þá ekki undir
það búnir að hefjast handa sam-
tímis höfuðstaðnum og kom þar ýmis
legt til greina. Allt varð að sækja
til annarra, s. s. farkost til róðrar-
keppni, húsnæði til innnahúss
skemmtana, leikvelli cg annað at-
hafnasvið. Peningar voru einnig af
mjög skornum skammti, og dró það
vitanlega nokkuð úr. Að vísu mundu
þeir peningar sem tefla þyrfti fram,
koma aftur til baka ef þátttaka yrði
góð, en á því var nokkur vafi.
Margar raddir höfðu heyrzt, sem
töldu það vera að bera í bakka-
fullan lækinn að halda hátíðlegan
sérstakan sjómannadag, nóg væri af
háiíðisdögum samt. Að vísu dró
nokkuð niður í þessum röddum,
þegar það vitnaðist, að ekki ætti að
taka vinnudag frá þjóðarbúskapn-
um, en þetta og ýmislegt fleira varð
til þess, að sjómenn á Akureyri kusu
að bíða og sjá, hvernig þessari fyrstu
tilraun reiddi af í höfuðstaðnum, og
þegar það sýndi sig, að þátttakan
þar varð mjög góð, og spáði vel fyrir
áframhaldi, var ákveðið að efna til
hátíðahalda á Akureyri næstkom-
andi sjómannadag eða sunnudaginn
4. júní 1939 eins og áður segir.
A Akureyri voru þá starfandi 3
félög, sem óhjákvæmilega hlytu að
verða uppistaðan í slíkum mann-
fagnaði, en þau voru: Skipstjórafél.
Norðlendinga, Sjómannafélag Akur-
eyrar og Vélstjórafélag Akureyrar.
Þessi þrjú félög tóku höndum
saman veturinn 1938—39 um það að
halda sjómannadaginn hátíðlegan á
Akureyri, og það eru þessi þrjú ié-
lög sem ætíð síðan og ennþá, gang-
ast fyrir þeim hátíða og skemmti-
atriðum sem Sjómannadagurinn hef-
ur haft og hefur upp á að bjóða.
Það var á öndverðum vetri 1939
að áður nefnd þrjú félög kusu 5
manna nefnd frá hverju félagi til
að vinna að framkvæmd fyrsta Sjó-
mannadagsins á Akureyri. Fyrsta
sjómannadagsráð var þannig skipað
15 mönnum, og að sjálfsögðu þeim,
sem bezt var treyst til góðra átaka
í málinu, en þeir voru þessir: Frá
Skipstjórafélagi Norðlendinga: Guð-
mundur Guðmundsson, Þorsteinn
Stefánsson, Benedikt Steingrímsson,
Eggert Kristjánsson og Gísli Jó-
hannsson. Frá Sjómannafélagi Akur-
eyrar: Kristján Stefánsson, Gunnar
Sigtryggsson, Ólafur Þórðarson,
Stefán Kristjánsson og Tryggvi
Helgason. Og frá Vélstjórafélagi
Akureyrar: Jón Arnason, Tryggvi
Gunnlaugsson, Friðþór Jakobsson,
Eggert Ólafsson og Kristján Kristj-
ánsson.
4 SJÓMANNADAGSBLAÐIÐ