Sjómannadagsblaðið - 01.06.1975, Blaðsíða 49

um og það var komið fram í desem-
bermánuð, þegar við fengum loks
fyrirmæli um að sigla til Florida í
Bandaríkjunum.
Ferðin vestur yfír hafið gekk
mjög vel, er líklega ein skemmtileg-
asta sjóferð sem ég hefi farið. Við
hófum siglinguna með því að sigla
suður með undan norðlægum
vindi. Sigldum við þannig í viku
tíma og þegar við komum á móts
við Kanaríeyjar, komum við í stað-
vindinn, sem flutti okkur alla leið
til Florida. Ég sá eyjuna Madera
útvið hafsbrún.
Þar var stefnan sett vestur og tók
ferðin þrjár vikur og aldrei þurfti
að hreyfa segl á þessum tíma. Það
voru bara ráseglin, sem notuð voru,
enda var vindurinn beint á eftir.
Vindurinn var stöðugur og breytt-
ist ekki meira en eitt til tvö strik og
við hreyfðum bara brasana öðru
hverju, annað þurfti ekki að hyggja
að seglum á þessari löngu leið.
— Það eina sem angraði okkur,
var hitinn. Ekki var unnt að sofa
niðri í lúkar og við sváfum því í
hengikojum uppi á þilfari. Stund-
um kom steypiregn, en þá stungum
við okkur niður undir þiljur á með-
an, því regnið stóð sjaldan lengi.
Mestur vandinn var líklega sá að
brenna ekki fæturnar á dekkinu,
sem var glóandi heitt. Við höfðum
orðið okkur úti um fléttuskó, sem
við keyptum í Portúgal og þeir
hlífðu vel.
Þetta var því yndislegur tími. Ég
man enn, að ég sat uppi heilu
næturnar og saumaði segl meðan
skipið barst með ljúfum byr vestur
yfir hafið. Ég held að þetta sé
einhver indælasta sjóferð, sem ég
hefi farið um mína daga.
IV
Við tókum land á Florida. Við
fórum til hafnar í Jacksonwille í
Florida, sem stendur við fljót eitt,
nokkrar mílur inni í landi. Þangað
vorum við dregnir af dráttarbáti,
en við áttum að lesta rauðvið til
Spánar.
Það dró nokkuð til tíðinda með-
an við vorum í höfn. Endaði það
með því að þrír menn gengu af
skipinu, með aðstoð bandaríska sjó-
mannafélagsins. Þeir voru óánægð-
ir með viðgjörninginn á skipinu.
Fengum við þrjá menn í staðinn,
en þeir voru atvinnulausir og ný-
komnir úr stríðinu. Einn þeirra var
negri, sem var kokkur.
Byrjað var á því við komuna til
Bandaríkjanna að „svæla okkur
út“. Fengum við brennisteinshylki,
sem kveikt var í niðri í skipinu og
reykurinn átti að drepa allar hugs-
anlegar pöddur og bakteríur. Þetta
tók heilan dag, en svo gátum við
farið upp að bryggju og byrjað að
lesta. Lestin var fyllt og talsvert var
einnig sett á þilfarið.
En eins og ferðin var ljúf í
staðvindnum vestur yfir Atlants-
hafið, var sú váleg sem fyrir hönd-
um var, ferðin austuryfir. Nú gát-
FARARBROÐDI
Vér viljum vekja athygli á því,
að Rolls-Royce veita skiptiþjónustu,
þannig, að eigendur Rolls-Royce
bátavéla geta fengið nýja uppgerða
vél í skiptum fyrir þá gömlu. -
Uppgerðu vélinni fylgir ábyrgð, og er sem ný.
EINKAUMBOÐSMENN:
ROLLS-RDYCE
Diesels
STEINAVÖR H.F.
Tryggvagötu 4 - Reykjavík - Sími:27755
SJÓMANNADAGSBLAÐIÐ 39