Sjómannadagsblaðið - 01.06.1977, Blaðsíða 16
Janus Halldórsson, íramreiðslumaSur, Guðmundur H. Oddsson, skipstjóri og Halldór Jónsson,
loftskeytamaður, eru einir á lifi þeirra er skipuðu fyrsta sjómannadagsráð.
ið hafa líf sitt við skyldustörfin á
sjónum.
Hinn dugmikli félagshyggjumaður
Henry Hálfdanarson, var þá for-
maður F.Í.L., og gerði hann sér
ljóst að hér var gullið tækifæri til
að reyna að ná samstöðu meðal sjó-
manna um að þetta næði til allra
íslenskra sjómanna, er létu líf sitt
við skyldustörfin á sjónum og jafn-
framt í sambandi við það yrði
möguleiki á að efna til árlegs sjó-
mannadags, er sjómennirnir sjálfir
hefðu allan veg og vanda af.
í framhaldi af þessu skrifaði
Henry Hálfdanarson forustugrein í
Firðritarann, 3. tbl. 1936, en það var
fjölritað fréttablað F.Í.L., og bar
greinin nafnið Sjómannadagur.
Þar bar hæst samþykktina frá
Alþjóðaþingi loftskeytamanna. 19.
nóv. 1936 sendi svo F.Í.L. út fund-
arboð til allra sjómannafélaga í
Reykjavík og Hafnarfirði til um-
ræðu um málið og voru undirtektir
góðar, og kusu félögin fulltrúa til
framhaldsumræðna varðandi þessi
mál.
Fyrsti sameiginlegi fundurinn var
svo haldinn í Oddfellovhúsinu
6 SJÓMA NNADAGSBLAÐIÐ
mánudaginn 8. mars 1937, og voru
mættir fulltrúar frá 9 félögum. Var
þar lagt fram uppkast að starfssviði
sj ómannadagsins, og fóru fram um
það fjörugar umræður, en fundar-
mönnum þótti málið það yfirgrips-
mikið að heppilegra væri að kjósa
nefnd til að fjalla um málið, er svo
legði það fyrir fulltrúafund. Var
síðan samþykkt að kjósa einn mann
frá hverju félagi, til að ganga frá
reglugerð að starfssviði sjómanna-
dagsins, og var formaður kjörinn
Henry Hálfdanarson.
Fyrsti fundur í Fulltrúaráði sjó-
mannadagsins var svo haldinn hinn
27. febrúar 1938 á skrifstofu Vél-
stjórafélags íslands að Ingólfshvoli
við Hafnarstræti. Tilkynntir höfðu
verið fulltrúar frá 11 félögum, 2
frá hverju félagi, alls 22 — en á
fundinum mættu fulltrúar frá 9 fé-
lögum, alls 18.
Undirbúningsnefndin lagði þar
fram frumdrög að reglugerð um
starfssvið sjómannadagsins, er voru
samþykkt með nokkrum orðalags-
breytingum. Þá var samþykkt að
sjómannadagurinn skyldi hátíðlegur
haldinn 1. sunnudag í júní. En þar
sem hann bar upp á hvítasunnudag
þetta ár, var samþykkt að halda
hann 2. hvítasunnudag.
Með þessa tímaákvörðun voru fé-
lagar úr hestamannafélaginu Fák
mjög sárir, þar sem þeir höfðu ár-
um saman haft sinn hestamannadag
með kappreiðum 2. í hvítasunnu
og töldu sig hafa helgað sér þann
dag.
Var síðar samþykkt í fulltrúaráði
sjómannadagsins að bæri fyrsta
sunnudaginn í júní upp á hvíta-
sunnudag, skyldi halda sjómanna-
daginn 2. sunnudag í júní.
A þessum fundi var svo kjörin
fyrsta stjórn fyrir Fulltrúaráð sjó-
mannadagsins og skipuðu hana:
Henry Hálfdanarson formaður,
Bjöm Ólafs. varaformaður,
Sveinn Sveinsson ritari,
Geir Sigurðsson vararitari,
Guðmundur H. Oddsson gjaldkeri,
Þorgrímur Sveinsson varagjaldkeri.
Endurskoðendur: Þórarinn Guð-
mundsson og Lúther Grímsson, og
til vara Einar Þorsteinsson.
Stjórninni var síðan falið að
ganga frá dagskrá fyrir fyrsta sjó-
mannadaginn, og önnur mál er hann
varðaði.
Stjórnin vann síðan ötullega að
þessum málum, því mikið lá við að
þau yrðu vel mótuð og voru þau
síðan rædd á 5 fulltrúaráðsfundum
fyrir sjómannadaginn þann 6. júní
1938.
í lögum Fulltrúaráðs sjómanna-
dagsins í Reykjavík og Hafnarfirði
stendur:
Tilgangur Sjómannadagsins.
Tilgangur Sjómannadagsins er:
a) að efla samhug meðal sjómanna
og hinna ýmsu starfsgreina sjó-
mannastéttarinnar.
b) að heiðra minningu látinna sjó-
manna og þá sérstaklega þeirra,
sem láta líf sitt vegna slysfara í
starfi.
c) að kynna þjóðinni lífsbaráttu sjó-
mannsins við störf hans á sjón-
um.
d) að kynna þjóðinni hin mikil-