Sjómannadagsblaðið - 01.06.1990, Blaðsíða 19

SJÓMANNADAGSBLAÐIÐ
17
að vera með 365 daga á ári, því að
þetta er ekki miðað við skráninga-
daga, heldur meðan menn eru ráðnir
hjá útgerð.
Einnig eru það lífeyrismálin, það
sjá það allir að við getum ekki í þessu
litla landi verið með svona marga
sjóði og mismunandi reglur í þeim.
Til frambúðar verða allir að vera
jafnir og sömu reglur í gildi fyrir alla.
Einn sjóð en ekki 100 sjóði.
Hvers á sjómannskonan að gjalda,
hver skyldi vera munurinn á henni og
t.d. eiginkonum bænda. Hvers vegna
er ekki hægt að greiða fyrir þær í
lífeyrissjóð af ríkinu? Alveg eins og
ríkið greiðir fyrir eiginkonur bænda.
Sjómannskonan á mjög erfitt með að
vinna úti, þegar hún er upptekin við
umsjá barnanna og maðurinn stund-
ar sjómennsku. Hún er í mikið verri
stöðu en einstæð móðir, t.d. með
dagvistunarrými. Sjómannskonan
kemur gjarnan ekki inn á vinnu-
markaðinn fyrir en að börnin eru
komin vel á legg og á þessum tíma
hefur hún þá ekkert greitt í lífeyris-
sjóð. Hvers virði er þeirra vinna fyrir
þjóðfélagið? Eiga þær að vera ein-
hver utangarðsflokkur. Það var
gleðilegt að vita til þess að samtök
heimavinnandi fólks voru stofnuð á
s.l. ári og vonandi að þau verði sjó-
mannafélögunum til aðstoðar við að
ná fram sanngjörnum rétti þessa
fólks.
Því hljótum við að gera þá kröfu af
ríkinu að greitt verði í lífeyrissjóð
fyrir sjómannskonur alveg eins og
ríkið greiðir fyrir eiginkonur bænda í
lífeyrissjóð þeirra.
Ætli að það sé nokkur stétt í land-
inu sem er eins háð dugandi eigin-
konum og sjómenn, ætli það hafi
ekki verið þess vegna sem sjómenn
voru nær einhuga um að kjósa konu
sem forseta landsins. Þetta leyndi sér
ekki þegar sjómenn létu skoðun sína
í ljós á sínum tíma í skoðanakönnun
um borð í skipunum. Hér eins og oft
áður kom berlega í ljós hve traust
sjómanna til konunnar er mikið.
Ef sjómenn ná ekki fram einhverj-
um kjarabótum þegar á hólminn
verður komið er næsta víst að þeir
verða að styrkja sína stéttarlegu og
pólitísku stöðu. Það hefur margoft
heyrst í lúkörum og borðsölum ís-
lenskra skipa og báta að nauðsyn
væri fyrir sjómenn að eiga sína sér-
stöku málsvara á Alþingi.
Sú skemmri skírn sem frumvarp
um stjórn fiskveiða fékk á síðustu
dögum Alþingis nú í vor, sýnir, meir
enn nokkru sinni fyrr, hve gengið var
framhjá öllum tillögum sjómanna í
því máli.
Eina rökrétta svar sjómanna við
þessu, er að stofna sjómannaflokk og
bjóða fulltrúa sjómanna fram við
næstu Alþingiskosningar. Ef ekki
undir merki sjómanna, þá undir
merki karlmanna.
Og svona rétt til gamans þetta:
Hvað skyldi verða um kvennalist-
ann þegar kominn verður sérstakur
karlalisti á Alþingi íslendinga? Svari
hver fyrir sig.
Eg óska sjómönnum til hamingju
með daginn.
4- SJÓSLYS OG DRUKKNANIR
I FRÁ 17. NÓV. 1989 TIL 30. APRÍL 1990
1989:
17. nóvember
Drukknaði Guðjón Gíslason,
50 ára, Hjarðarholti 17, Akranesi,
er hann féll útbyrðis af 10 tonna
báti, sem fannst 15 sjm. frá Akr-
anesi og 12,5 sjm. frá Garðskaga.
Lætur eftir sig eiginkonu og
þrjú börn.
1. október
Lést Einar S. Einarsson, 26 ára,
háseti á Laxfossi, á sjúkrahúsi í
Grímsby í Englandi af áverkum,
sem hann hlaut eftir slys um borð í
skipinu. Hann var að opna hurð á
síðu skipsins til að hleypa hafn-
sögumanni frá borði er slysið
varð.
1990:
8. mars
Lést Ástþór Ægir Gíslason, 57
ára, Sandgerði, vegna ofkælingar,
er v.b. Svala Lind K.Ó. 13,6 tonn
sökk 5 sjóm. út af Sandgerði. V.b.
Þrándur KE-67 og Skarfaklettur
komu að slysstað 10 mín. seinna
og fundu þeir manninn í sjónum,
en hann hafði sent neyðarkall, er
báturinn var að sökkva, og síðan
neyðarblys. Tveir menn úr bj.sv.
Sigurvon í Sandgerði, sem voru
um borð í Skarfakletti fóru um
borð í Þránd til að reyna lífgunar-
tilraunir á Ástþóri, en þær báru
ekki árangur. Lætur eftir sig 6
uppkomin börn.
20. mars
Drukknaði Sigurvin Brynjólfs-
son, 38 ára, matsveinn, Áshamri
69, Vestmannaeyjum, er v.b. Sjö-
stjarnan VE 92, 75 tonn sökk
norður af Þrídröngum skammt frá
Elliðaey. 6 manna áhöfn var á
bátnum.
26. apríl
Drukknaði Reynir Freyr Ólafs-
son, 18 ára, Mánagötu 27,
Grindavík, er hann féll útbyrðis af
v.b. Hafliða G.K. 140, 10 tonna
eikarbáti, þegar verið var að
leggja net um 2 sjómílur suður af
Hópsnesi við Grindavík.