Sjómannadagsblaðið - 01.06.1990, Blaðsíða 49

SJÓMANNADAGSBLAÐIÐ
47
Á ensku togaraöldinni settust margir íslend-
ingar að í Grímsbæ, flestir á fyrsta og öðrum
áratug aldarinnar. Flestir urðu stýrimenn
eða skipstjórar. I bænum var íslenzk nýl-
enda. Þessi mynd af íslenzkum konum í
Grímsbæ var tekin 1971. Sitjandi til vinstri er
Guðný, kona Ágústar Ebenezarsonar, og þá
Vigdís kona Þorsteins Eyvindssonar, bak við
þær standa þær Anna, kona Sigurðar Þor-
steinssonar, og Ólöf, kona James Stevens,
sem rak Orbeon Bar. Til hægri, sitjandi er
Svana, kona Páls Aðalsteinssonar og konan,
sem stendur aftan við Svönu, og snýr vangan-
um að, er Helga Gott, gift John Gott, stór-
kaupmanni. Yngri konurnar eru af næstu
kynslóð og börnin þriðju kynslóðin. Nanna
Olgeirsdóttir, situr til hægri í sófanum. Þær
hafa enn með sér félag, íslenzku konurnar í
Grímsbæ og halda sér árlegt gilli og minnast
íslands.
Hjónin Anna Gunnsteinsdóttir, frá Nesi og Sigurður skipstjóri Þorsteinsson frá Langholti í Flóa og Ólöf Einarsdóttir Dagfínnssonar,
þekkts togaramanns í Reykjavík á sinni tíð. Anna er nú 84 ára en Sigurður 88 ára. Ólöf er nokkru yngri. Sigurður fór utan nokkru
eftir 1920, og var fyrst með enskum í nær 7 ár, í Kanada í ein 5 ár en síðan búsettur í Englandi og skipstjóri á enskum togurum, en
hætti sjósókn 1960 og fór þá að vinna í landi hjá Boston Deep Sea og vann þar fram á áttræðisaldur. Anna er búin að vera í Englandi
frá 1932 að hún giftist Sigurði, eða 58 ár, en Ólöf í 45 ár. Öll tala þau íslenzku svo vel að ekki kennir ensks málhreims í máli þeirra. Ég
hafði hringt í Önnu, frá Hull, en þau hjón búa í Cleetþorpi, og mér varð fyrir um leið og svarað var í símann og sagði nafnið mitt að
bæta við „an Icelander“. Þá sagði konan í símanum dálítið snúðug: „Nú, hvað er þetta maður, geturðu þá ekki talað íslenzku“.
Anna er skörungskona, enda á hún kyn til þess, þar sem hún er dóttir Gunnsteins skútuskipstjóra og hreppstjóra í Nesi.
Allir eru þessir unglingar hresSir og búa notalega, þau hjón eiga nú heima í litlu húsi úti við Waldorf Rd. í Cleethorpe, en 1971
bjuggu þau í stóru húsi í Humberstone, en þetta hús er þeim þægilegra í ellinni. Ólöf er orðin ekkja og býr niður í Grímsbæ. Hún og
maður hennar J. Stevens, ráku Orbeon Bar, sem fyrr segir.