Eimreiðin - 01.07.1924, Blaðsíða 88
280 FRÆNDUM SÍÐU-HALLS SVARAÐ eimREIÐIN
fram — með fullum rétti — að þelta sé sannleikur. En hver
eru heimildargögnin ? Nýja testamentið. En hvað er Nýi3
testamentið? Frásagnir og hugleiðingar fárra manna. Enginn
veit með vissu, hve margir þessir menn voru og ekki heldur
um ártöl, er þeir rituðu. En eitt þykir kristnum ritfræðinguiu
víst, að postularnir hafi ekki ritað nokkurt guðspjallanna, 1 *
þeirri mynd, sem þau eru í nú.1) Þetta eru þá rnegin-heim-
ildir ykkar fyrir sérkenningum kristindómsins:
Vitnisburður 12—13 manna, sem uppi voru einhvern tíma
fyrir 18—19 hundruð árum. Fyrir sérkenningum guðspekinnar eru
til vitnisburðir helmingi fleiri manna. Og flestir þeirra eru enn a
lífi og segjast skýra frá því, sem þeir hafi sjálfir heyrt og séð.
Þið hyllið þróunarkenningu vísindanna. Það gera allir, sem
ekki eru alveg úti á þekju og ofurlítillar fræðslu hafa aflað
sér. En má ég spyrja um sannanagögnin? Hafið þið staðið
yfir sólkerfinu og verið vitni að þróun þess frá fyrstu tímum
og fram á þennan dag? Sáuð þið stjörnuþokuna þéttast, efnin
bindast og lífsgerfin þróast stig af stigi. Eða hvernig hafið
þið komist á snoðir um þetta? Hafið þið gert það með ýtar-
legum rannsóknum og ályktunum: athugað stjörnuþokur á
mismunandi stigum með sjónaukum, gerskoðað beinaleifar
Iöngu útdauðra dýra með óþreytandi elju og borið saman við
líkamsgerð þeirra, sem nú eru við líði, og dregið síðan álykt-
anir af öllu saman?
Onei, þetta hafa að eins nokkrir vísindamenn gert. Allur
fjöldinn, og þar með að líkindum þið, hefur engar verulegar
heimildir fyrir þróunarkenningunni, nema vitnisburð þessara
manna.
Vkkur mun ekki detta í hug, að bera brigður á frumeinda-
kenningu vísindanna. En hvaða sönnun hafið þið fyrir því, að
hún sé rétt? Hafið þið athugað eðli frumeinda? Getið þið
borið vitni um, að rafeindir sveiflist kringum kjarna frumeind-
ar eins og reikistjörnur umhverfis sólu? Eða hverjar heim-
ildir hafið þið fyrir því, að þessu sé þannig farið?
Vitnisburð nokkurra vísindamanna.
1) Sbr. Inngangsfræði Nýja teslamentisins eftir Magnús Jónsson,
háskólakennara, Reykjavík 1921.