Eimreiðin - 01.07.1924, Blaðsíða 92
284 FRÆNDUM SÍÐU-HALLS SVARAÐ eimreiðiN
vísinda. En þó er þess að gæta, að dulspekingar segja, að
andlegar skynjanir séu miklu áreiðanlegri en jarðneskar, og
meira að segja gleggri en tæki vísinda. Og svo virðist sem
þeir hafi komið með sterkar líkur fyrir að svo sé. Þeir hafa
fullyrt eitt og annað, sem vísindin töldu fávizku, þegar það
kom fram, en sáu síðar að satt var, er betri tæki fengust til
ýtarlegri rannsókna. Mætti benda á ýmislegt þessu til sönn-
unar. Hér skulu nefnd þrjú dæmi:
A. P. Sinnett, varaforseti Guðspekifélagsins, gaf út bók eina
1896, er hann nefndi »The Growth of the Soul«. Þar var
því lýst yfir, að reikistjörnur tvær, er stjörnufræðingar hefðu
ekki komið auga á, væru utanvert við braut Neptúnusar.
Sinnett hafði dulrænar heimildir fyrir þessu, og að því var
skopast eins og hverri annari yitleysu. En viti menn! I sept-
ember 1902 lýsti prófessor Forbes því yfir, að rannsóknir
sínar bentu á, að tvær reikistjörnur mundu vera utanvert við
braut Neptúnusar.1)
Fyrir aldamótin síðustu gaf Leadbeater biskup út bók, er
hann nefndi »Man Visible and Invisible«. í þeirri bók fullyrti
hann, að eins konar blikandi, marglitur baugur, væri utan um
líkami manna. Þessi baugur er það, sem nefnt er »aura«, en
við höfum nefnt »blik« manna eða »ljóshvolf«. í bókinni voru
margar myndir og allnákvæmar lýsingar á blikinu, eins og
það hafði komið Leadbeater fyrir sjónir, er hann beitti dul-
skygni sinni. Margir litu svo á, að myndir þessar og lýsingar
væru eintómur blekkingavefur.
Vísindaleg staðfesting á ýmsu bví, sem stendur í bók Lead-
beaters, kom þó áður mörg ár liðu. Enskur vísindamaður,
læknis- og rafmagnsfræðingurinn Walter ]. Kilner, félagi »Hins
konunglega læknafélags*, staðfesti með rannsóknum sínum, er
hann hóf 1908, að blikið eða »auran« er enginn tilbúningur.
Rannsóknir hans voru algerlega eðlisfræðilegar, og hann segir.
að hver maður geti gengið úr skugga um þær, sem vilji fyrír
því hafa. Hann hefur gefið út bók um rannsóknir sínar. og
er hún með mörgum myndum af »aurum«. Liti sýnir hann
1) Sbr. L. W. Rogers: Scientific Evidence of Future Life, Krotona
and Los Angelos, bls. 2.