Eimreiðin - 01.01.1957, Page 23

VIÐ ÞJÓÐVEGINN
7
AUir fulltrúarnir á fundinum voru einhuga um samþykkt,
þar sem fordæmt var það gerræði Kadar-stjórnarinnar í Ung-
verjalandi að banna samtök rithöfunda og hneppa forvígis-
menn þeirra í fangelsi. Er það gleðilegt tíinanna tákn, að slík
fordæming hlaut einróma samþykkt á aðalfundi Bandalags
íslenzkra listamanna fyrir skömmu, og virðist það nú renna
upp fyrir fleiri og fleiri íslenzkum listamönnum, að afstaða
valdamannanna í kommúnistaríkjunum gagnvart bókmenntum
og öðrum listum sé hvorki réttlát né æskileg. Mundi ekki ólík-
legt, að höfundur bókarinnar Gróður og sandfok teldi betur
seint en aldrei — og minntist fundar norrænna rithöfunda í
Svíþjóð árið 1946, þar sem fulltrúi Félags íslenzkra rithöf-
unda, Bjarni M. Gíslason, hafði einn íslenzku fulltrúanna,
sem fundinn sátu, afstöðu, sem var hliðstæð þeirri, er nú
kemur fram í samþykktum Rithöfundaráðs Norðurlanda og
bandalags íslenzkra listamanna.
☆
Rithöfundurinn — hinn eilífi rithöfundur — karl eða kona, sem af
fyllstu einlægni, eins og dauðinn standi fyrir dyrum, finnur sig knúinn
til að gera grein fyrir árangrinum af hinni frjálsu leit sinni — slíkur
maður, datt mér í hug, er, þegar alls er gáð, æði mikilvæg persóna. En
hún er ekki til í Rússlandi. Að minnsta kosti verður maður hennar ekki
var. Enginn spyr þeirrar spurningar, sem hún ber ávallt upp fyrir með-
bræðrum sínum: Hvert stefnir?
Stenska skáldkonan Anna Lenah Elgström
aö lokinni Rússlandsför.
Aðalfundur Bandalags íslenzkra listamanna mótmælir harðlega því
gerræði ungverskra valdhafa að banna félagssamtök rithöfunda í Ung-
verjalandi og hneppa forvígismenn þeirra í fangelsi vegna andstöðu við
stjórnarvöldin. Fundurinn telur slikar aðfarir freklegt brot gegn mann-
réttindaskrá Sameinuðu þjóðanna og lýsir yfir fyllsta stuðningi við ung-
verska rithöfunda og listamenn hvarvetna í heiminum, sem ofsóttir eru
vegna skoðana sinna.
Samþykkt á aöalfundi Bandalags islenzkra listamanna 28. jan. s. I.
Flutningsmenn tillögunnar voru: Einar Bragi SigurÖsson, Geir
Kristjánsson og Thor Vilhjálmsson.