Eimreiðin - 01.01.1969, Side 20

2
EIMREIÐIN
Teiji dómnefndin enga af sögum þeim, sem berast það góða, að
verð sé þessara verðlauna, getur hún ákveðið að fella verðlaunin
niður, en mun hins vegar flokka sögurnar eftir listrænu gildi þeirra,
og áskilur Eimreiðin sér þá forgangsrétt að birtingu þeirra með sam-
komulagi við höfundana.
Það skal tekið fram, að Eimreiðin hefur nokkrum sinnum áður
efnt til smásagnasamkeppni, og ávallt verið um góða þáttöku að
ræða, og hafa nýir höfundar stundum komið þar fram á sjónar-
sviðið, en eins og kunnugt er, hafa margir af þekktustu og merkustu
rithöfundum landsins einmitt birt sín fyrstu ritverk í Eimreiðinni.
Það er von Eimreiðarinnar, að höfundar bregðist enn vel við, og
sendi ritinu sögur í keppnina, enda mun hér vera um hæstu verð-
laun að ræða, sem íslenzkt tímarit hefur boðið í smásagnasam
keppni.
EFNISSKRÁ 25 ÁRGANGA
Þá er ennfremur ákveðið að minnast 75 ára afmælis Eimreiðar-
innar með útgáfu vandaðrar efnisskrár yfir 25 síðustu árganga
ritsins, og tekur það við af efnisskrá þeirri, er dr. Stefán Einarsson
prófessor í Baltimore samdi og gefin var út 1945, en það er 164
síðna bók í Eimreiðarbroti. — Efnisskrá sú sem nú verður gefin
út verður felld inn í þennan 75. árgang og fá áskrifendur Eimreið-
arinnar hana innifalda í áskriftargjaldinu, en hin fyrri var seld
sérstaklega, og eru enn fáanleg nokkur eintök af henni.