Eimreiðin - 01.01.1969, Side 61

ÍSI.ENZK SKÓLALÖGGJÖF OG SKÓLASTARF
43
undanförnum áratug hefur tala kennara við Háskólann meira en tvö-
faldast. Á þessu ári mun ljúka störfum nefnd, sem skipuð var fyrir
rúmum tveim árum til þess að gera tillögur um framtíðaruppbyggingu
Háskólans næstu tvo áratugina.
Ný löggjöf var sett um Kennaraskólann 1963, og var lilutverki hans
og skipulagi gerbreytt frá því sent áður var, þ. e. hann var þá gerður að
stúdentaskóla. Sama ár var með löggjöf komið á fót Tækniskóla íslands.
Fram til þessa hefur hann veitt tæknifræðingum þriggja ára menntun,
en tvö síðustu árin hafa verðandi tæknifræðingar orðið að stunda nám
erlendis. Nú nýlega hefur verið ákveðið, að gera byggingatæknifræðing-
um kleift að ljúka námi sínu algjörlega hér heima, og munu fyrstu
íslenzku byggingatæknifræðingarnir, sem algjörlega stunda nám sitt á
íslandi, brautskrást úr Tækniskólanum 1971. Árið 1966 var sett ný
iðnfræðslulöggjöf, þar sem víðtækar breytingar og endurbætur voru gerð-
ar á iðnfræðslunni. Árið 1966 var sett ný löggjöf um vélstjóranám og
sama ár um Stýrimannaskólann í Reykjavík, en árið 1964 höfðu verið
sett lög um nýjan stýrimannaskóla í Vestmannaeyjum. Árið 1962 var
sett ný löggjöf um Hjúkrunarskóla og árið 1965 um Húsmæðrakennara-
skóla fslands. Árið 1965 voru sett lög um Myndlista- og handíðaskóla,
en um þá menntun höl'ðu áður ekki verið sérstök lög, og árið 1963
voru sett lög um fjárhagsstuðning við tónlistarskóla, en um þá skóla
hafði heldur engin löggjöf verið til áður.
Eins og ég gat um áðan, er ástæða þess, að ég hef l'ram til þessa ekki
lagt til við Alþingi, að ný lög verði sett um skólakerfi og fræðsluskyldu,
sú, að þessi löggjöf er rammalöggjöf og hægt að gera allar breytingar,
sem nauðsynlegar eru taldar á námsefni, kennsluaðferðum og próf-
tilhögun, sem æskilegar þykja, án lagabreytinga. Meginþorri skólamanna
og nemenda er þeirrar skoðunar, að því ákvæði laganna um skólakerfi
og fræðsluskyldu, að miðskólapróf eða landspróf skuli vera aðalleiðin
til inngöngu í menntaskóla og sérskóla, eigi ekki að breyta. Ég minnist
ekki heldur neinnar ítarlegrar eða rökstuddrar tillögu um, hvað koma
ætti eða komið gæti í staðinn fyrir almennt, samræmt inntökupróf í
menntaskóla eða sérskóla. Um það aðalatriði laganna um skólakerfi og
fræðsluskyldu, að börn og unglingar séu fræðsluskyld á aldrinum 7 til
15 ára, er það að segja, að skoðanir eru skiptar um það, hvort fræðslu-
skylduna eigi að lengja, t. d. um eitt ár, eða ekki. Persónulega er ég
þeirrar skoðunar, að innan tiðar hljóti að koma að því, að skólaskylda
verði lengd um eitt ár og verði 9 ár. Með hliðsjón af Jreim miklu breyt-
ingum, sem gerðar hafa verið, bæði á fræðsluskyldustiginu og gagnfræða-,
sérskóla- og háskólastiginu á undanförnum árum og varið hefur verið
stórauknu fé til, hefur frani til þessa ekki verið fjárhagsgrundvöllur
fyrir lengingu skólaskyldunnar. Hvort það er gert og hvenær það verður