Ægir - 01.01.1923, Blaðsíða 7

ÆGIR.
MÁNAÐARRIT FISKIFJELAGS ÍSLANDS.
16. árg. |j Reykjavik, Janúar — Febrúar 1923. | Nr, 1—2.
Aðalfundur
Fiskifélags íslands
17. og 19 febrúar 1923.
Hinn 17. febrúar var aðalfundur Fiski-
félagsins haldinn á kaupþingssalnum og
hófst kl. 2'/* s. d.
Fundur þessi hafði verið auglýstur á
löglegan hátt, og i auglýsingum tiltekinn
miðvikudagur hinn 14., en þar sem
»Goðafoss« seinkaði og vænta mátti að
einhverjir félagsmenn væru með skipinu,
sem óskuðu að vera á fundinum, þá var
auglýst i dagblöðunum hér, að honum
yrði frestað tii laugardags hinn 19.
Á fundinum mætti fyrir Isafjarðardeild
útgerðarmaður Magnús Thorberg, frá
Akranesi var mættur formaður fiskideild-
ar »Báran« Sveinbjörn Oddsson, og fund-
inn sat hreppstjóri Stefán Sigurfinnsson
frá Auðnum. en að eins fyrri hluta hans.
Forseti Jón Bergsveinsson setti fundinn
og mintist fjöldans, sem fór i sjóinn i
fyrra (97 manns), og bað fundarmenn
minnast þeirra með því að standa upp.
Fundarstjóri var tilnefndur Sveinbjörn
Oddsson frá Akranesi, og var hann kos-
inn í einu hljóði.
Mál á dagskrá, sem auglýst höfðu verið
voru þessi:
1. Skýrsla um starfsemi félagsins á
liðnu ári.
2. Aflaskýrslur.
3. Steinolíumálið.
4. Landhelgisgæzla.
5. Umræður um nokkur lög viðvikjandi
sjávarútveginum og framkvæmdir
þeirra.
6. Framtiðarstarfsemi Fiskifélagsins.
7. Fjárhagsástand sjávarútvegsins.
Forseti félagsins tók svo fyrir fyrsta
mál á dagskrá, skýrði frá störfum stjórn-
arinnar, erindrekstri og fjárhag, og er
hann hafði lokið máli sínu var tekið
fyrir:
Aflaskýrslur. Þar hafði forseti framsögu
og skýrði frá hinu mikla ólagi, sem verið
hefir undanfarið er um skýrslur um afla-
brögð ræðir og getur þess, að ein til-
raun verði enn þá gerð, þar sem Hag-
stofan hafi nú söfnunina með höndum
þetta ár.
Er hann hafði lokið máli sínu, bar
skipstjóri Geir Sigurðsson fram svohljóð-
andi tillögu:
»Fundurinn leggur áherslu á, að fram-
vegis verði rækilega framfylgt lögum nr.
29 frá 8. nóv. 1895 og reglugerð um
söfnun aflaskýrslna frá 20. april 1897 og
telur sjálfsagt, að Hagstofan taki að sér
þetta starf og sjái um, að skýrslurnar
verði birtar almenningi mánaðarlega«.
Hreppstjóri Stefán Sigurfinnsson gaf
ýmsar skýringar um aflaskýrslusöfnun