Ægir - 01.06.1923, Blaðsíða 9

Æ GIR
95
siðastliðin 10 ár hefir verið unnið öðru-
hvoru að byggingu hafnargarðanna, en
framan af höíðu sjávaröflin betur og
eyðilögðu að kalla mátti jafnóðum það,
sem gert var, braut skörð í garðana og
garðhaus brotnaði og færðist úr stað.
Tvö síðastliðin sumur hefir verið unn-
ið að undirbyggingu hafnargarðanna
tveggja, og var henni lokið í fyrrahaust.
Sama félagið sem bygði höfnina hér, N.
C. Monberg í Kaupmannahöfn, hafði
þetta verk með höndum og stjórnaði N.
Monberg verkfræðingur þvi. Er það al-
menn trú manna, að garðarnir séu nú
orðnir svo rammbyggilegir, að ekki sé
hætta á að þeir falli.
— Hafnargarðarnir eru tveir: — Hring-
skersgarður svonefndur að austanverðu,
nokkru fyrir austan kaupstaðinn og Hörg-
eyrargarður að vestan og liggur hann
nokkru innar en hinn. Endurbygging
hafnarinnar var í því falin að austur-
garðurinn var gerður miklu sterkari en
áður og nýr garðhaus gerður í stað þess
sem hrunið hafði. Utanvert á allan garð-
inn var sett röð af steinsteypukössum
neðst meðfram garðinum, en siðan steypt
lag frá þeim upp á garðbaúnina. Getur
því enginn sjór komist inn í garðinn og
sprengt hann. í garðhausnum nýja eru
stór steypubjörg sem eftir voru af gamla
hausnum, en í bilin milli þeirra voru
steyptir tveir kassar, um 300 smál. að
þyngd hvor, svo að stykkin mynduðu
samfeldan hring. Yarð undirstaðan því
miklu breiðari en hún hafði verið áður.
Ofan á þetta var siðan steypt samfelt
lag, sem bindur saman stykkin í undir-
stöðunni svo að sjálíur hausinn er eitt
samfelt múrstykki um 2000 smálestir á
þyngd. Var vatninu bægt frá með segl-
dúkum meðan garðhausinn var steyptur.
Hörgeyrargarðurinn var lengdur um
100 metra, og steypukössum raðað utan-
vert á allan garðinn eins og þann eystri,
til þess að verja þvi að sjór komi inn i
hann.
Eftir að garðar þessir eru komnir,
hefir mjög mikið dregið úr sjávargangi
á höfninni og hefir það þegar sýnt sig,
að bátar eru tiltölulega öruggir á höfn-
ínni.
En hins vegar vantar mikið á, að höfn-
in sé komin i það lag, sem hún þart til
þess að verða fullnægjandi. Til þess þarf
að mjókka innsiglinguna til muna, á
þann hátt að lengja Hörgeyrargarðinn til
austurs, og byggja nýjan garð frá aust-
urlandinu beint á móti Hörgeyjargarðin-
um, sem jafnframt getur orðið hafskipa-
bryggja, þegar höfnin verður dýpkuð.
Hefir N. Monberg verkfræðingur gert á-
ætlun og tillögur um þetta verk, og látið
hafnarnefndina hafa án nokkurs endur-
urgjalds. Er þeim þannig hagað, að hægt
er að framkvæma verkið smátt og smátt,
eftir því sem ástæður og efni leyfa, á
þann hátt að steyptir eru kassar og sett-
ir í framlengingu garðsins hver af öðr-
um. Dráttarbraut til þess að steypa kass-
ana á, er til, og þarf að eins stækka
hana lítilsháttar.
Gert er ráð fyrir, að bryggjugarðurinn
verði einnig gerður úr steypukössum,
fyltum með grjóti. Innanvert verður
garður þessi hallandi eins og bryggja,
svo að bátar geti lagst við hann, hvort
heldur er flóð eða fjara, en að utanverðu
verður hár öldugarður.
Hafnargarðarnir í Vestmannaeyjum
hafa kostað mikið fé. Kosta Vestmanna-
eyingar sjálfir verkið að 8/4, en landið
hefir lagt til fjórða hlutann og ennfrem-
ábyrgð fyrir hinu fénu. Alls eru það
1300000 krónur sem höfnin hefir kostað.