Ægir - 01.08.1923, Blaðsíða 6

124
ÆGIR
aður erlendis fyrir liann saltaðan, sem
áður var dýr útflutningsvara. Væri nú
ekki gerlegt að reyna að koma upp 3 —
4 reykingarhúsum í veiðistöðvum nálægt
helztu laxveiðivötnunum, reykja þar lax-
inn og svo ýsu eða aðrar fiskitegundir,
sem bezt væru til þess kjörnar og freista
að afla þeim markað erlendis. Að minsta
kosti er vert að ihuga þetta.
Af ástandi útvegarins í minu umdæmi
er ekkert nýtt til frásagna, nema að ný-
lega er stofnuð fiskifél.deild í Grimsey
með 12—14 meðlimum. Er Steinótfur G.
Geirdal útgerðarmaður formaður deild-
arinnar. Eg hefl bent honum á, að öllu
heppilegra væri að hann sneri sér sem
mest til skrifstofunnar syðra um mál
deildarinnar, en til mín, vegna símaleysis
þar, og færu bréf þar um gegnum Húsa-
vik beina leið. Með því ynnist tími í
ýmsum tilfellum.
Þilskip gengu með allra fæsta móti til
fiskjar héðan á liðnu vori og öfluðu
fremur laklega.
Mótorbátar byrjuðu róðra 6. og 7. júní.
Kalla má að afli á þá hafi verið sæmi-
legur, en mun þó minni alment en í
fyrra, og fiskur allur jafnsmærri en þá.
Annars er fremur dauft yfir mönnum og
málefnum hér um slóðir. Horfur á fisk-
sölu eru slæmar, hér sem annarstaðar.
Að vísu er talsvert aí fiskinum þegar selt
i orði, óverkað og fyrir lágt verð.
Skýrslu um bátafjölda og skipa svo og
sundurliðaðan afla, mun eg senda síðar,
og þá um leið um ferðalög mín og ann-
að starfsemi minni viðkomandi. Skal eg
nú einungis geta þess, að eg hefi farið
nokkuð milli nærliggjandi veiðistaða svo
og um Húnavats- og Skagafjarðarsýslur,
og er þaðan ekkert að skrifa sem ný-
mælum sætir. Vertið við Drangey varð
með lakara móti og flestir Skagfirskir
mótorbátar gengu frá Siglufirði í vor á-
samt ýmsum fleiri bátum viðsvegar að.
Alls gengu þaðan, er flest var, 45 mót-
urbátar og 6 gufuskip.
Aflaskýrslur hefi eg sent Hagstofunni
samkvæmt tilmælum yðar.
Hið fyrirhugaða námsskeið í vélfræði
komst eltki á siðastliðinn velur, svo sem
yður er kunnugt, af þvi of fáir þátttak-
endur gáfu sig fram, en tilraun verður
gerð aftur i vetur, og verður hr. Jón
Esphólín kennari sem að undanförnu.
Svalbarðseyri, 27. júli 1923.
Páll Halldórsson.
Til stjórnar Fiskifélags Islands.
Aðalfundur
Eimskipafélagsins.
Laugardaginn 30. júní, var aðalfundur
Eimskipafélags íslands haldinn i Kaup-
þingssalnum í húsi félagsins. Kosinn var
fundarstjóri Halldór Daníelsson hæsta-
réttardómari, og ritari fundarins Lárus
Jóhannesson cand. juris.
Aðgöngumiðar að fundinum höfðu verið
afhentir fyrir þessu hlutafé: f. h. ríkis-
sjóðs kr. 100,000; Vestur-tslendinga kr.
104,100 og aðra hluthafa kr. 427,275.00
samtals kr. 631,375.00.
Alt atkvæðisbært hlutafé í Eimskipa-
félaginu nemur nú kr. 1,680,750, og voru
þvi afhentir aðgöngumiðar 37,l°/o af öllu
atkvæðisbæru hlutaíé.
Atkvæðisseðlar að fundinum voru af-
hentir þannig: fjármálaráðherra f. h. rík-
issjóðs 4000 atkv., öðrum hluthöfum en
landssjóði og umboðsmönnum Vestur-
Islendinga 17,091, Magnúsi J. Kristjáns-
syni og Ben. Sveinssyni i umboði fyrir
Vestur-íslendinga 500 atkvæði hvorum,