Ægir - 01.08.1923, Blaðsíða 18

136
ÆGIR
1. vetrardag á að kjósa til alþingis og
vonandi verður þingmönnum ljóst hvert
verkefni þingsins er, þegar vandræðin
standa lyrir dyrum. Púsundir manna
kjósa þann dag í því trausti, að atkvæði
þeirra verði til þrifa fyrir land og lýð.
Meiri hluti kjósenda þekkir ekki þá
menn, sem bjóða sig fram að öðru en
þvi, sem blöðin hafa lýst þeim síðustu
mánuðina, annað hefir fjöldinn ekki að
fara eftir. Þær lýsingar eru ekki til leið-
beininga þegar til atkvæðagreiðslu kemur,
því öllum mun nú ljóst, að þekking, al-
vara og stilling eru hið fyrsta skilyrði
til þess, að fulltrúar þjóðarinnar geti
tekið þær ráðstafanir, sem miða til þrifa
og þess, að við fáum að heita ríki fram-
vegis.
Reykjavík, 1. sept. 1923.
Sveinbjörn Egilson.
Synt yfir Ermarsnnd.
Til skams tíma hafa það að eins ver-
ið tveir menn, sem lokið hafa sundi yfir
Ermarsund, milli Englands og Frakk-
lands, en margir hafa þó reynt það og
gefist upp.
Það má því allmerkilegt heita, að í
þessum mánuði hefir tveim mönnum
lánast að leysa þessa miklu þraut.
Sá fyrri svam frá Englandi til Frakk-
lands (eins og fyrirrennarar hans höfðu
gert) 6. ágúst á 26 stundum 50 min.
Hann heitir H. Sullivan. Sá síðari er
Argentininn Sebastian Tiraboschi, sem
svam frá Frakklandi til Englands á að
eins 16 stundum 33 mín., og er það
heimsmet. — Nú eru enn fleiri að reyna.
Þeir, sem synt hafa yfir Ermarsund:
Capt. Webb, 24. ág. 1875, 21 st. 45 mín.
Burgess, 6. sept. 1911, 22 st. 35 tnin.
H. Sullivan, 6. ág. 1923, 26 st. 50 mín.
S. Tiraboschi, 12. ág. 1923, 16 st. 33
minútum.
Sjómannastofan
i Vesturgötu 4 var opnuð 15. ágúst kl.
4 og verður fyrst um sinn opin daglega
frá kl. 4—10 síðd. Eru allir siómenn,
innlendir og erlendir, þangað velkomnir,
og verða þar tækifæri fyrir þá að lesa
blöð, skrifa bréf, fá sér kaffibolla o. s.
frv. Umsjónarmaður sjómannastofunnar
er Jóhannes Sigurðsson prentari. En í
forstöðunefnd eru: Jón Helgason, biskup,
formaður, Árui Jónsson kaupmaður, frá
stjórn fríkirkjusafnaðarins, sr. Árni Sig-
urðsson fríkirkjuprestur, sr. Bjarni Jóns-
son dómkirkjuprestur, frú Guðríðar Þórð-
ardóttir, frá stjórn K. F. U. K. Sigur-
björn Á. Gíslason, frá sóknarnefnd dóm-
kirkjunnar, og Sigurbjörn Þorkelsson
kaupmaður, frá stjórn K. F. U. M. Hann
er gjaldkeri nefndarinnar, og vinir þessa
starfs eru vinsamlega beðnir að snúa sér
til hans, þvi að kostnaður, búsáhöld,
húsaleiga og kaup verður töluverl, og
ekki er enn faríð að safna neinum gjöf-
um í þá átt, enda langskemtilegast að
þær kæmu smámsaman, án þess að
nokkur þyrfti sérstaklega að biðja um
þær. S. G.
8y«t úr Engey.
Fyrir skömmu synti yfirlöglegluþjónn
Erlingur Pálsson, úr Engey til lands
og var 53 mínútur á leiðinni.
Áður hefir Benedikt G. Waage synt
sömu leið, en tók land á öðrum stað,
og var nokkrum mínútum lengur.