Ægir - 01.11.1923, Blaðsíða 16

178
ÆGIR
7. Landhelgis- og Fiskiveiðasjóður. —
Fjórðungsþingið lýsir megnustu óá-
nægju sinni yfir að Landhelgissjóður
hefir verið tekinn til eyðslu, og skor-
ar á Fiskiþingið að beitast fyrir að
hann sé greiddur inn aflur hið bráð-
asta, og síðan notaður til þess, sem
lög mæla fyrir.
Sömuleiðis skorar það á Fiski-
þingið að hafa þau áhrif á Alþingi,
að lögum Fiskiveiðasjóðsins sé breytt
þannig, að lán fáist úr sjóðnum gegn
tryggingu í skipum án veðsetningar
fasteigna að auki. Samþ.
8. Steinolíumál. Fjórðungsþingið mót-
mælir því, að olíuverslunin sé not-
uð sem tekjustofn rikisins, og að
einkasalan kaupi lóðir og lönd á
kostoað olíuverslunarinnar. Samþ.
9. Atvinnumál. Fjórðungsþingið skorar-
á stjórn Fiskifélagsins að gera alt
sem hægt er til þess:
1. Að láta rannsaka hvort ekki borgi
sig að vinna smurningsolíu úr lýsi
og hvað líklegt væri að slík verk-
smiðja mundi kosta.
2. Að láta rannsaka hvort ekki er
hægt að verka svo hákarl að
arðbérandi sé.
Þingið væntir þess, að ríkið
leggi fé til þessara rannsókna.
Enn fremur: Fjórðungsþingið
skorar á stjórn F. 1. að gangast
fyrir þvi, að komið verði á stofn
rannsóknarstofu er rannsaki hvaða
mótorar , séu öruggastir, spar-
neylnastir og líklegir til þess að
vera endingarbestir.
10. Lögskráningar-leppmenska. Fjórð-
ungsþingið krefst þess að Fiski-
þingið hlutist til um, að á næsta
Alþingi verði gerð eftirfarandi breyt-
ing á lögskráningarlögunum:
a. Að í stað ákvæðis núgildandi laga
komi: 'U hluti hverrar íslenzkrar
fiskiskipshafnar megi vera útlend-
ingar, og nótabassar megi alls
ekki vera útlendir.
b. Að einnig sé betra eftirlit haft
með leppmensku á skipum og
útgerð skipa. Samþ.
11. Óviss mál.
1. Erindreki Akranesdeildar vakti
máls á, að fróðlegt væri að rann-
saka möguleika til fisköflunar
við Grænland. Gaf fiskifræðingur
Bj. Sæmundsson nokkrar upp-
lýsingar um það efni, og stað-
hætti þar.
2. Slysatryggingarfélög: Fjórðungs-
þingið skorar á stjórn Fiskifélags
íslands, að fara fram á við Al-
þingi, að lögum um slysatrygg-
ingu sjómanna verði breylt; sér-
staklega 6. gr. í þá átt, að bætur
verði greiddar erfingjum við
dauða sjómanna, þó ekki séu á
framfæri þeirra, og að ákvæðin í
6. gr. séu löguð í þá átt að bæt-
ur fáist fyrir meiðsl og atvinnu-
missi, þó minna verði en 8A af
vinnuorku.
Þá var kosinn stjórn til næsta fjórð-
ungsþings:
Forseti Ágúst Jónsson.
Varaforseti Árni Geir Fóroddssson.
Rilari Friðrik J. Rafnar.
Vararitari Stefán Sigurfinnsson.
Ákveðið að halda næsta fjórðungsþing
á skrifstofu Fiskifélagsins.
Fleira lá ekki fyrir, þakkaði forseti
svo góða samvinnu og kvaddi með nokkr-
um hvatningarorðum og sagði síðan þing-
inu slitið.
Ágúst Jónsson. Friðrik J. Rafnar.