Skinfaxi - 01.08.2010, Blaðsíða 3

SKINFAXI – tímarit Ungmennafélags Íslands 3
Ungmennafélag Íslands hefur rekið
Ungmenna- og tómstundabúðir að Laug-
um í Sælingsdal í Dalasýslu frá árinu 2005,
í samstarfi við Dalabyggð og með góðum
stuðningi ríkisvaldsins. Búðirnar eru ætlað-
ar ungmennum í 9. bekk grunnskólans.
Á Laugum er skólahúsnæði, heimavist,
íþróttahús, sundlaug og byggðasafn. Átta
starfsmenn vinna við búðirnar og forstöðu-
maður þeirra er Anna Margrét Tómas-
dóttir.
Markmiðið með dvölinni, sem er fimm
dagar, er að unglingarnir öðlist færni í
umræðu um þau mál sem brenna á þeim
hverju sinni, læri tillitssemi, umburðar-
lyndi og ábyrgð. Margt skemmtilegt er
gert í búðunum, innan dyra jafnt sem
utan, sem gaman er að upplifa.
Starfsemin í búðunum er unnin á fag-
legum nótum og byggir á fjórum megin-
stoðum sem halda uppi starfinu. Þær eru;
menning, útivist, hreyfing og félagsfærni.
Námskeiðin, sem boðið er upp á, eru m.a.:
framkoma, ræðumennska og tjáning, upp-
bygging og starfsemi félaga, hópefli, úti-
vist, leikir og sprell, gögl sem er leikur sem
reynir á einbeitingu, athygli og þolinmæði,
galdrar og spádómar (rúnir og annað þjóð-
legt), félagsvist og Kompás sem er nám-
skeið í mannréttinda- og lýðræðisfræðslu.
Þá er einn ferðadagur þar sem Eiríksstaðir
í Haukadal eru heimsóttir og fræðst um
menningu, sögu og aðstæður víkinga.
Kúabúið á Erpsstöðum er heimsótt og
fræðst um störf bænda og annað áhuga-
vert í sveitalífinu.
Meðan á dvölinni stendur er þátttak-
endum ekki heimilt að vera með ferða–
dvd, PSP, fartölvur né gsm og er tilgangur-
inn með þessu banni sá að ungmennin
hvíli sig á því áreiti sem þessum tækjum
fylgir meðan á dvölinni stendur og upplifi
að það er hægt að vera til án þeirra. Þátt-
takendur þurfa að fara eftir reglum sem
Lærdómsrík og ógleymanleg dvöl
Formaður UMFÍ: Helga Guðrún Guðjónsdóttir
gilda í búðunum og hafa ákveðna hluti
með sér sem þeir nota meðan á dvöl
þeirra stendur.
Skólarnir senda ákveðinn fjölda kenn-
ara eða annarra umsjónarmanna með hóp-
unum. Þetta fólk hefur ákveðið hlutverk
meðan á dvölinni stendur sem er kynnt í
bréfi sem sent er til þess tímanlega fyrir
komu þess í búðirnar. Sama á við um
ungmennin og foreldra þeirra.
Starfsfólk búðanna er fjölhæft og
metnaðarfullt fólk sem hefur þekkingu á
því sem það er að gera og er umhugað
um að gestir búðanna njóti dvalarinnar á
sem bestan hátt.
Þegar „kreppan“ skall á dróst aðsóknin
í búðirnar saman um tíma, en skólaárið
2010–2011 var aðsóknin komin í það
hámark sem hún var í fyrir kreppu sem er
einkar ánægjulegt.
Ef þú, ágæti lesandi, veist um skóla sem
nýtir sér ekki Ungmenna- og tómstunda-
búðirnar hvet ég þig til að tala við viðkom-
andi um þetta frábæra tækifæri sem 14–15
ára ungmennum býðst. Ég fullyrði að dvöl-
in verður þeim bæði lærdómsrík og
ógleymanleg enda hef ég upplifað hvort
tveggja sem skólastjórnandi og foreldri.
Íslandi allt!
Föstudaginn 10. september sl. var
75 ára afmælisrit Ungmennafélags
Grindavíkur kynnt fyrir stjórn, formönn-
um deilda, bæjarstjórn og öðrum gest-
um í kaffiboði á Bryggjunni.
Gunnlaugur Hreinsson, formaður rit-
nefndar, kynnti ritið og lagði áherslu á
að það hefði upphaflega átt að vera
100 síður en hefði stækkað eftir því sem
heimildaöflunin vatt upp á sig og orðið
132 síður. Verkið er feikilega vandað og
ríkulega myndskreytt enda var mikill
metnaður hjá stjórnarmönnum til þess
að svo yrði.
Kristinn Benediktsson ritstýrði verk-
inu og sagði hann að það skiptist í þrjá
meginkafla. Í fyrsta kaflanum væri
nútímanum gerð skil og þar væri einnig
rakin saga yngstu deildanna, sundsins,
fimleikanna og taekwondos. Í miðkafl-
anum væri rakin saga Íþróttafélags
Grindavíkur frá upphafi allt fram yfir að
Ungmennafélagið var sett á laggirnar
1963 og er þar stuðst við fundargerða-
bækur og fleiri heimildir ásamt viðtöl-
um. Í þriðja kaflanum er saga UMFG
rakin í viðtölum ásamt sögu elstu deild-
anna, knattspyrnunnar, körfunnar, júdós-
ins og handboltans.
Kristinn lagði áherslu á að þó ekki hefði
verið unnt að ræða við alla þá sem hafa
verið í framvarðasveitinni á hverjum tíma
væri þeirra vandlega getið þar sem það á
við enda vandséð hvernig ætti að draga
línu sem væri sú eina rétta í þeim efnum.
UMFG gefur út 75 ára afmælisrit
Frá vinstri: Gunn-
laugur Hreinsson,
formaður rit-
nefndar, Kristinn
Benediktsson rit-
stjóri og Bjarni
Svavarsson,
formaður Ung-
mennafélags
Grindavíkur.
75 ára afmælisrit Ungmennafélags
Grindavíkur.