Skinfaxi - 01.08.2010, Blaðsíða 4
4 SKINFAXI – tímarit Ungmennafélags Íslands
Frjálsíþróttaskóli Ungmennafélags Íslands
var haldinn í þriðja sinn í sumar með nám-
skeiðum á fimm stöðum víðs vegar um land-
ið. Frjálsíþróttaskólinn var fyrst haldinn árið
2008, á þremur stöðum á landinu; í Borgarnesi,
á Sauðárkróki og á Egilsstöðum. Í ár var skól-
inn haldinn á Laugum í Reykjadal, Laugar-
vatni, í Borgarnesi, á Sauðárkróki og Egils-
stöðum. Höfn í Hornafirði, Akureyri og Mos-
fellsbær hættu við að halda skólann sökum
dræmrar þátttöku.
Frjálsíþróttaskólinn er ætlaður ungmenn-
um á aldrinum 11–18 ára. Ungmennin koma
saman á hádegi á mánudegi en skólanum lýk-
ur á hádegi á föstudegi í sömu viku. Aðaláhersla
er lögð á kennslu í frjálsum íþróttum. Auk
frjálsra íþrótta er farið í sund, leiki, óvissuferð-
ir og haldnar kvöldvökur. Gjaldið fyrir vikuna í
sumar var kr. 15.000. Allt var innifalið í verð-
inu, kennsla, fæði og gisting. Ekki var hægt
að fá styrk frá Velferðarsjóði barna í ár eins
og fékkst 2009.
Ungmennafélag Íslands hefur yfirumsjón
með framkvæmd skólans og annast sameigin-
lega kynningu á starfseminni. Sambandsaðil-
ar á því svæði þar sem skólinn er haldinn
hverju sinni sjá um að finna kennara og
aðstoðarmenn til starfa við skólann. Lagt var
upp með að hafa fagmenntaða kennara á
hverjum stað til að tryggja sem besta kennslu
fyrir ungmennin.
Laugar í Reykjadal - HSÞ
Frjálsíþróttaskólinn var haldinn nú í sumar
eins og á síðasta ári að Laugum í Reykjadal
vikuna 21.–25. júní og sóttu 18 ungmenni
skólann. Þjálfarar voru Friðrik Benónýsson
og Sigurbjörn Árni Arngrímsson. Farið var
yfir flest allar frjálsíþróttagreinar svo að allir
myndu finna eitthvað við sitt hæfi.
Borgarnes - UMSB
Vikuna 21.–25. júní var Frjálsíþróttaskólinn
haldinn í Borgarnesi. Þátttaka ungmenna
milli ára jókst töluvert. Árið 2009 sóttu 39
ungmenni skólann en í sumar sóttu 53 ung-
menni skólann. Lokað var fyrir skráningu í
skólann þar sem ekki var hægt að taka við
fleiri en um 55. Kennari var Bjarni Þór
Traustason en honum til aðstoðar voru þau
Kristján Guðmundsson, Íris Grönfeldt, Rakel
Guðjónsdóttir, Unnur Jónsdóttir og Margrét
Ársælsdóttir. Vegna mikillar þátttöku veitti
ekki af öllum þessum þjálfurum til að halda
utan um hópinn.
Egilsstaðir - UÍA
Frjálsíþróttaskólinn var haldinn á Egilsstöð-
um vikuna 21.–25. júní. Ellefu ungmenni
sóttu skólann í ár en nítján á síðasta ári.
Ástæða fækkunar er óljós en kannski hefði
mátt auglýsa skólann betur á svæðinu. Kenn-
arar voru Hildur Bergsdóttir, Lovísa Hreins-
dóttir, Einar Hróbjartur Jónsson, Hreinn Hall-
dórsson og Mekkín Bjarnadóttir.
Sauðárkrókur - UMSS
Frjálsíþróttaskólinn var haldinn á Sauðár-
króki vikuna 19.–23. júlí. Þrjátíu krakkar
sóttu skólann sem er mikil fjölgun frá síðasta
ári þegar 19 sóttu hann. Gaman var að sjá
þessa miklu fjölgun frá síðasta ári. Árni Geir
Sigurbjörnsson og Gunnar Sigurðsson voru
þjálfarar við skólann að þessu sinni.
Laugarvatn - HSK
Frjálsíþróttaskólinn var haldinn á Laugar-
vatni vikuna 19.–23. júlí. Tuttugu og fimm
ungmenni sóttu skólann í ár sem er nokkur
fjölgun frá því í fyrra. Ólafur Guðmundsson
og Fjóla Signý Hannesdóttir voru kennarar
við skólann. Í lok námskeiðsins fengu öll ung-
mennin viðurkenningarskjal til staðfestingar
á þátttöku. Eins og undanfarin ár hefur skól-
inn fengið með eindæmum góð viðbrögð.
Ungmennin fóru sátt heim eftir lærdómsríka
og krefjandi, en umfram allt skemmtilega,
tíma saman. Þátttaka ungmenna í skólanum
jókst á milli ára þrátt fyrir að skólinn væri á
færri stöðum í ár en á síðasta ári.
Alls sóttu 124 skólann 2009 en í ár voru
137 sem sóttu hann. Aukin þátttaka undir-
strikar að skólinn er ákjósanlegur vettvangur
til að kynna og breiða út frjálsar íþróttir á
Íslandi. Þannig gegnir Frjálsíþróttaskólinn
mikilvægu hlutverki í að opna augu ung-
menna fyrir ágæti íþróttaiðkunar og styðja
fjölmargar rannsóknir þá fullyrðingu að ung-
menni, sem stunda íþróttir, leiðist síður út í
óreglu síðar á lífsleiðinni. Síðast en ekki síst
öðlast ungmennin tækifæri til að kynnast
hvert öðru og mynda tengslanet og auka
hæfni sína í mannlegum samskiptum.
Góð þátttaka víðast hvar
FRJÁLSÍÞRÓTTASKÓLI UMFÍ:
Á stóru myndinni
efst eru krakkar í
Borgarnesi, á mið-
myndinni eru
krakkar á Egils-
stöðum og á þeirri
neðstu krakkar á
Laugum í Reykja-
dal.