Skinfaxi - 01.08.2010, Blaðsíða 18
18 SKINFAXI – tímarit Ungmennafélags Íslands
37. sambandsráðs-
fundur Ungmenna-
félags Íslands var
haldinn á Egilsstöð-
um 16. október sl.
Á fundinum var
lögð fram vegleg
ársskýrsla þar sem gat að líta yfirlit yfir
hið fjölbreytta starf sem er unnið innan
hreyfingarinnar.
Helga Guðrún Guðjónsdóttir, formað-
ur UMFÍ, setti fundinn og flutti skýrslu
stjórnar. Í ræðu formanns kom m.a. fram
að UMFÍ hefur orðið fyrir fjárhagslegu
tapi vegna gjaldþrots VBS fjárfestingar-
banka. Miklar umræður urðu um reikn-
inga UMFÍ. Hagnaður varð af reglulegri
starfsemi, en rekstrarniðurstaða var nei-
kvæð eftir að skammtímakröfur og verð-
bréfaeign hafði verið færð niður.
Yfir 20 tillögur frá stjórn og sambands-
aðilum voru fluttar á fundinum og voru
þær allar samþykktar. Um 40 fulltrúar
héraðssambanda sóttu fundinn en fundar-
stjórar voru Jónas Þór Jóhannsson UÍA
og Jóhanna Kristjánsdóttir HSÞ.
Verndum þau – erindi
Kvöldið fyrir sambandsráðsfundinn
flutti Þorbjörg Sveinsdóttir sálfræðingur
erindi sem kallaðist Verndum þau. Í erin-
dinu fór hún yfir þær hættur sem steðja
að börnum og unglingum er varða ýmiss
konar ofbeldi. Erindið var afar fróðlegt en
þetta er viðfangsefni sem kemur okkur
öllum við og ekki síst þeim sem starfa
mikið með börnum og unglingum.
Kynnisferð
Þegar sambandsráðsfundinum lauk
fóru fundarmenn í kynnisferð og skoð-
uðu aðstöðu og keppnisstaði á Egilsstöð-
um, en 14. Unglingalandsmót UMFÍ verð-
ur haldið þar næsta sumar
37. sambandsráðsfundur UMFÍ
var haldinn á Egilsstöðum
UMSE fékk hvatningar-
verðlaun UMFÍ 2010
Hvatningarverðlaun UMFÍ 2010 voru
afhent á fundinum á Egilsstöðum. Verð-
launin féllu í skaut Ungmennasambands
Eyjafjarðar, UMSE, fyrir öflugt og metn-
aðarfullt íþrótta- og ungmennafélags-
starf á breiðum grunni. Óskar Þór
Vilhjálmsson, formaður UMSE, tók við
viðurkenningunni fyrir hönd héraðssam-
bandsins. Helga Guðrún Guðjónsdóttir,
formaður UMFÍ, afhenti verðlaunin.
Helga Guðrún Guðjónsdóttir, formaður UMFÍ,
og Óskar Þór Vilhjálmsson, formaður UMSE,
við afhendingu hvatningarverðlauna UMFÍ.
Samstarfssamningur
við UÍA undirritaður
14. Unglingalandsmót UMFÍ verður
haldið á Egilsstöðum um verslunarmanna-
helgina næsta sumar. Á sambandsráðs-
fundinum var undirritaður samstarfs-
samningur milli UMFÍ og Ungmenna- og
íþróttasambands Austurlands, UÍA, sem
er framkvæmdaðili mótsins. Á Egilsstöð-
um er góð aðstaða til íþróttaiðkunar og
keppni. Þar er frjálsíþróttavöllur með
gerviefni.
Helga Guðrún Guðjónsdóttir, formaður UMFÍ,
og Elín Rán Björnsdóttir, formaður UÍA, við
undirritun samstarfssamnings um Unglinga-
landsmótið næsta sumar.