Skinfaxi - 01.08.2010, Blaðsíða 19
SKINFAXI – tímarit Ungmennafélags Íslands 19
ALMENNINGSÍÞRÓTTIR:
Hættu að hanga!
Komdu að hjóla,
synda eða ganga!
Verkefnið Hættu að hanga! Komdu að
hjóla, synda eða ganga, sem UMFÍ stóð
fyrir í sumar, gekk vel. Verkefninu lauk
með formlegum hætti 16. september með
grunnskólagöngu UMFÍ. Ákveðið hefur
verið að hafa skráningarkerfið áfram
opið og er það gert svo að hægt sé að
halda utan um hreyfinguna allt árið. Því
er um að gera að hætta ekki að hreyfa
sig þó svo að verkefninu sé formlega
lokið. Verkefnið mun byrja aftur í byrjun
júní á næsta ári en það verður auglýst vel
þegar að því kemur.
Ánægja
með verkefnið
„Í heild sinni má segja að verkefnið hafi
gengið vel. Þátttakendur hafa verið í sam-
bandi við okkur og lýst yfir ánægju með
þetta framtak hreyfingarinnar. Margir
nýttu sér þann möguleika að ganga á fjöll
en annars var ágæt þátttaka í öllu verkefn-
inu. Verkefnið verður með svipuðu sniði
á næsta ári en það verður nánar auglýst
þegar nær dregur,“ sagði Sigurður Guð-
mundsson, landsfulltrúi UMFÍ, í spjalli við
Skinfaxa um verkefnið.
Hættu að hanga! Komdu að hjóla, synda
og ganga! stóð yfir dagana 5. júní til 16.
september. Raunar hófst verkefnið með
fjölskyldudegi UMFÍ sem haldinn var við
rætur Miðfells í Hrunamannahreppi.
Verkefnið stóð því yfir í 103 daga en í ár
eru liðin 103 ár frá stofnun UMFÍ. Öllum
var heimil þátttaka óháð aldri og hægt
var að velja milli þátttöku í einstaklings-
keppni og hópa/fyrirtækjakeppni eða
vera með í báðum keppnunum.
Þátttakendur skráðu hreyfingu sína
inn á ganga.is eða með því að safna
stimplum í göngubók. Göngubókina var
hægt að nálgast á flestum N1 bensín-
stöðvum og í flestum sundlaugum lands-
ins. Þátttakendur gátu nálgast stimpil
fyrir hreyfingu sína í afgreiðslu sundlauga.
Sú hreyfing sem hægt var að skrá eða fá
stimpil fyrir var að ganga eða skokka 3
kílómetra, ganga á fjöll, hjóla 5 kílómetra
eða synda 500 metra.
Fyrirtækjakeppnin fór fram á sama tíma
og einstaklingskeppnin. Öll fyrirtæki og/
eða hópar gátu tekið þátt í verkefninu.
Fyrirtækið/hópurinn skráði sig til leiks inn
á vefnum ganga.is. Fyrirtækið/hópurinn
þurfti að setja hópinn sinn í réttan flokk
eftir fjölda meðlima í hópnum. Fyrirtæk-
ið/hópurinn skráði niður þegar einhver
úr hópnum gekk eða skokkaði 3 kíló-
metra, gekk á fjöll, hjólaði 5 kílómetra
eða synti 500 metra. Þeir þrír hópar sem
hreyfðu sig mest og í flesta daga fá svo
verðlaun. Einnig kepptu fyrirtæki í því
hvaða þátttakendur hvers fyrirtækis
höfðu gengið á flest fjöll.
Um miðjan nóvember verður dregið úr
potti þeirra sem hafa hreyft sig í 30 skipti,
60 skipti og 80 skipti. Haft verður sam-
band við þá sem dregnir verða út. Þeir
þrír einstaklingar sem gengið hafa á flest
fjöll munu einnig hljóta verðlaun og haft
verður samband við þá.
Alltaf er verið að bæta upplýsingum
inn á gönguvefinn og er áhugafólk hvatt
til að nota áfram vefinn ganga.is.
Helgi á göngu
Helgi á göngu var verkefni sem haldið
var til minningar um gönguforkólfinn
og ungmennafélagann Helga Magnús
Arngrímsson. Verkefnið gekk út á að
skipulagðar voru gönguferðir á vegum
UMFÍ dagana 23.–27. júní. Göngurnar
voru skipulagðar víðs vegar um landið
á einhverri af þeim gönguleiðum sem
merktar hafa verið á vegum hreyfingar-
innar.
Almennings-
íþróttaverkefni
UMFÍ hófst með
fjölskyldudegi
UMFÍ við rætur
Miðfells í Hruna-
mannahreppi.