Skinfaxi - 01.08.2010, Blaðsíða 20

20 SKINFAXI – tímarit Ungmennafélags Íslands
HSV og Ferðafélag
Ísfirðinga stóðu fyrir
göngu á Kaldbak
Héraðssamband
Vestfirðinga og
Ferðafélag Ísfirð-
inga stóðu í sum-
ar fyrir gönguferð upp á Kaldbak við Dýra-
fjörð. Tilgangur göngunnar, fyrir utan það
að njóta náttúrunnar og stunda góða
líkamsrækt, var að fara upp með póstkassa
fyrir verkefni UMFÍ, Fjölskyldan á fjallið.
Lagt var af stað frá íþróttahúsinu Torf-
nesi kl. 11:00 og ekið yfir í Fossdal í Arnar-
firði þar sem gangan hófst. Veðrið hefði
mátt vera betra en örlítill strekkingur
var og þokusúld á fjallstindinum. Vegna
Góð þátttaka í
göngum hjá UMSB
Í sumar stóð UMSB að venju
fyrir nokkrum gönguferðum
og var góð þátttaka í þeim.
Meðal annars var gengið að
ýmsum fossum í héraðinu,
sérstaklega þeim sem eru
ekki í alfaraleið. Göngurnar voru flestar
að venju farnar á fimmtudagskvöldum.
Auk þess var gengið á Þyril og Varma-
lækjarmúla sem eru fjöll UMSB í verkefni
UMFÍ, Fjölskyldan á fjallið. Þar voru gesta-
bækur og gat göngufólk ritað nöfn sín í
þær. Í fyrstu göngu sumarsins var farið
á Þyril og göngubók komið fyrir þar. Því
næst var farið að Varmalækjarmúla með
Botnsá, Fitjaá í Skorradal og Hvítserki,
Deildargil við Hraunsás og Rauðsgil.
Síðasta ganga sumarsins var farin um
Árdalsgil.
Fimmtudaginn 8. júlí var
farin gönguferð á vegum
Keflavíkur, íþrótta- og
ungmennafélags, á fjallið
Þorbjörn, undir leiðsögn
Rannveigar Garðarsdóttur leiðsögu-
manns. Gönguferðin var liður í verkefn-
inu Hættu að hanga! Komdu að hjóla,
synda eða ganga! sem fram fór dagana 5.
júní til 16. september 2010. Ferðin gekk
vel og voru þátttakendur ánægðir að
henni lokinni. Gönguferðin var einnig
liður í verkefninu „Helgi á göngu“ sem er
verkefni til minningar um gönguforkólf-
inn og ungmennafélagann Helga Magnús
Arngrímsson. Verkefnið gekk út á skipu-
lagðar gönguferðir á vegum sambands-
aðila UMFÍ.
þokunnar var útsýni af tindi þessa hæsta
fjalls Vestfjarða ekkert.
Fjórtán manns kláruðu gönguna á tind-
inn en fjallið er 998 m hátt. Þrátt fyrir
veðrið var fólk hæstánægt með dagsverk-
ið. Í haust verður farin önnur ferð upp á
Kaldbak þegar sækja á póstkassann og
verður þá reynt að velja flott og bjart
veður.
Fjölskyldan á fjallið er landsverkefni
UMFÍ og hluti af verkefninu Göngum um
Ísland. Tilgangur verkefnisins er að fjöl-
skyldur fari saman í fjallgönguferðir og
verji því tíma saman um leið og lögð er
rækt við útivist og líkamsrækt. Þau fjöll
sem sambandsaðilar UMFÍ hafa lagt til að
þátttakendur gangi á eru flest frekar auð-
veld uppgöngu en miserfið þó. Póstkassa
með gestabókum er að finna á rúmlega
tuttugu fjöllum víðs vegar um landið.
Allir þátttakendur eru hvattir til að skrifa
nafn sitt í gestabækurnar því að heppnir
göngugarpar verða dregnir úr þeim hópi
og þeir veglega verðlaunaðir. Frekari upp-
lýsingar um fjöllin og gönguleiðirnar er
að finna á gagnvirku landakorti á vefnum
www.ganga.is.
Innan landssvæðis HSV eru tvö fjöll í
leiknum og er hitt fjallið Sauratindar sem
eru upp af Sauradal og Arnadal (sjá á korti
www.ganga.is).
Göngugarpar
með póstkassa á
tindi Kaldbaks.
Vaskir Keflvík-
ingar með félags-
fána í hlíðum
Þorbjörns.
ALMENNINGSÍÞRÓTTIR:
Gönguferð Keflavíkur á Þorbjörn
Úr einni göng-
unni sem UMSB
stóð fyrir í sumar.