Skinfaxi - 01.08.2010, Blaðsíða 24
24 SKINFAXI – tímarit Ungmennafélags Íslands
Norræn
ungmennavika NSU:
Norræn ungmennavika NSU var í ár haldin
í Sydslesvig (Suður-Slésvík) í Þýskalandi dag-
ana 18.–25. júlí. Það vorum sex íslensk ung-
menni sem tókum þátt ásamt um fimmtíu
öðrum frá Þýskalandi, Danmörku, Noregi,
Grænlandi og Finnlandi.
Á ungmennavikunni lærðum við ýmislegt
um mismunandi menningarheima og náttúru,
unnum fjölbreytt verkefni, tókum þátt í
skemmtilegum leikjum og uppákomum og
síðast en ekki síst kynntumst jafnöldrum okk-
ar í nágrannalöndunum. Markmið vikunnar
er að efla samskipti og kynnast nágrannalönd-
unum og því var lögð áhersla á að aðeins væru
töluð Norðurlandamál. Í þetta sinn fór mest
fram á dönsku þar sem að gestgjafarnir voru
dönskumælandi.
Ferðin hófst í Leifsstöð sunnudagsmorgun-
inn 18. júní. Þá var flogið til Kaupmannahafn-
ar og þaðan tekin lest. Því næst vorum við sótt
af gestgjöfunum sem fóru með okkur til
Christianslyst þar sem við dvöldum fyrri hluta
vikunnar. Þegar þangað var komið komum
við okkur fyrir, borðuðum kvöldmat og síðan
hófst kvölddagskráin. Þá var okkur skipt í
nokkra hópa til að leysa skemmtileg verkefni
sem tengdust öll á einhvern hátt jörð, vatni,
eldi og lofti.
Alla morgnana voru kynningar á löndun-
um sem tóku þátt og sungið morgunlag á
móðurmáli þess lands sem kynnti í hvert sinn
og voru það gestgjafarnir sem byrjuðu. Þeir
sungu fyrsta erindið á dönsku, sem er móður-
mál þeirra í Suður-Slésvík ásamt þýsku. Að
því loknu fór mestallur dagurinn í hópefli úti
í góða veðrinu þar sem við fórum í leiki sem
kröfðust góðrar samvinnu. Um kvöldið var
fyrirlestur um minnihlutahópa í Evrópu,
þ.e.a.s. hópa fólks sem hafa tvöfalt þjóðerni
og tvö móðurmál. Svona minnihlutahópar
eru í öllum Evrópulöndum nema á Íslandi og
var því mjög fróðlegt að heyra um þetta. Síðan
var notalegt kvöld, varðeldur, spil og spjall og
voru flestir farnir að kynnast.
Á þriðjudeginum var síðan lagt snemma af
stað í trjáklifur. Við fórum í flottan klifurgarð
með átta miserfiðum klifurbrautum. Eftir klifr-
ið gengum við síðan til bæjarins Eckernförde
þar sem við gátum kíkt í búðir eða á strönd-
ina.
Á miðvikudeginum vorum við Íslending-
arnir með kynningu. Við bættum erindi við
morgunlagið á íslensku, sýndum myndband
frá Íslandi og gáfum íslenskt nammi. Fékk
fulltrúi frá hverju landi splunkunýjan hraun-
mola úr Fimmvörðuhálsi þar sem eldgosin á
Íslandi voru virkilega vinsælt umræðuefni.
Síðan var fyrirlestur um alþjóðamenningu og
við unnum verkefni um það þegar ólíkir menn-
ingarheimar mætast. Næst tóku við mismun-
andi vinnustofur þar sem m.a. var í boði að
smíða skeifur, setja saman sólarsellubíla og
gera litla loftbelgi. Um kvöldið var síðan sýn-
ing á afrakstrinum og að henni lokinni var
komið að óvæntum hápunkti kvöldsins þegar
eldgleypir mætti á svæðið.
Morguninn eftir pökkuðum við saman dót-
inu okkar og fórum í kanósiglingu. Veðrið var
gott og siglingin gekk mjög vel hjá flestum en
tveimur íslenskum stúlkum tókst þó með
lagni að hvolfa bátnum sínum á fyrstu metr-
unum, öðrum til mikillar kæti. Eftir sigling-
una lögðum við að stað með rútu og síðan
lest yfir á eyjuna Sylt það sem við dvöldum
restina af vikunni. Þar gistum við í dönskum
skóla með flottri aðstöðu. Fótboltavöllur,
íþróttasalur og félagsmiðstöð með öllu tilheyr-
andi var á staðnum.
Föstudagurinn var sannkallaður náttúru-
dagur. Við tókum saman það helsta um
íslenska náttúru og dýralíf og sögðum hinum
frá og lærðum um náttúru hinna landanna.
Síðan var farið í 20 km hjólaferð til bæjarins
Lyst þar sem við heimsóttum náttúrusafnið
Naturgewalten. Eftir stoppið í Lyst hjóluðum
við nokkra kílómetra til baka og skoðuðum
svokallaðan vaðal (vadehav) sem eru leirur
við sjó þar sem fjarar langt út og er mikið
um dýralíf.
Sá dagur sem stóð upp úr hjá mörgum var
laugardagurinn en þá gátum við valið um að
fara á brimbretti, í selaskoðun eða að sigla
seglskútu. Þegar komið var til baka unnum
við í hópum sem hver fékk úthlutað einu
landi. Hóparnir áttu að tileinka sér hætti
þjóðarinnar og gera búninga sem lýsa þjóð-
inni. Um kvöldið var svo veisla þar sem hver
hópur lék þá þjóð sem hann hafði fengið út-
hlutað og fékk sá hópur sem þótti lýsa þjóð-
inni best verðlaun. Þetta var síðasta kvöldið
svo að fæstir tímdu að fara að sofa og því var
spjallað og leikið langt fram eftir nóttu.
Á sunnudagsmorguninn var svo pakkað
saman og þá var kveðjustund. Við höfðum
flest kynnst vel og eignast góða vini og því var
ekki gaman að kveðja. Við héldum aftur til
Kaupmannahafnar, stoppuðum í stutta stund
á Strikinu og flugum síðan heim til Íslands.
Ferðin var í alla staði frábær og vel heppn-
uð og allir skemmtu sér konunglega. Dag-
skráin var stíf allan tímann en það sem við
gerðum var bæði skemmtilegt og fróðlegt.
Allir gátu æft sig í dönskunni og var lítið grip-
ið til ensku. Við komum heim reynslunni rík-
ari, búin að kynnast mörgum frá öðrum lönd-
um og alsæl með alla vikuna. Ungmenna-
vikan verður haldin í Finnlandi á næsta ári
og verður hún örugglega ekki síðri.
Íslensku þáttakendurnir voru Sigmar Aron
Ómarsson, Vigdís Fríða Þorvaldsdóttir, Elín
Margrét Böðvarsdóttir, Gunnlaug Birta Þor-
grímsdóttir, Margrét Björnsdóttir og Sigurdís
Egilsdóttir. Fararstjóri var Jörgen Nilsson.
Frábær ferð og komið
heim reynslunni ríkari
Íslensku þátttak-
endurnir létu vel
af ungmenna-
vikunni sem var í
alla staði frábær
og sérlega vel
heppnuð.