Iðunn : nýr flokkur - 01.06.1933, Side 62

236
Koss milli hafna.
IÐUNN!
tegundar vita af margra ára æfingu, að þær eru laus-
ari fyrir. Par er það hið opinskáa, ótamda eðli, sem
hefir áhrif, en ekki friðleikurinn. Stúlkurnar, sem verða.
slíkum mönnum að bráð, halla bakinu upp að borð-
stokknum, horfa á þá, sem fram hjá ganga, augum, sem
leyna ekki, að þær bíða eftir að einhver þessara riddara
komi, sigri þær, kóngsdætur dagdrauma sinna, meö
einu ölvuðu augnaráði, velji svo þá, sem mest getur
lofað í einu augnatilliti og flytji hana sem drottningar-
efni augnabliksins niður í höllina. Pað er klefi með
fjórum beðjum. Ef til vill sefur þar inni þreytulegur
maður draumlausum svefni, fjarri allri æsingu og synd-
Drottningarefnið á erfitt með að venja lyktartaugar sín-
ar við ilminn, sem angar á móti henni úr höllinni, en
æfintýralöngunin sigrar allar hindranir. Kóngssonurinn
hennar, riddarinn, setur svo hátíðina fyrir læstum dyr-
um, með þvi að láta hana kyssa flösku sína og endar
æfintýrið eftir ýtarlega tilraun að sanna henni riddara-
og karlmanns-eðli sitt.
Til þess að kossinn sé laus við afleiðingar og
hafi tilgang sinn í sjálfum sér, þarf og helzt hinn karl-
legi aðili að vera skilyrðum háður. Það má ekki vera
neinn slíkur riddari, sem áður er lýst. Það verður aö>
vera maður, sem er saddur orðinn á þess háttar lysti-
semdum eða búinn að deyfa ástríður sínar og temja.
svo eðli sitt með tíðri umgengni við konur, að hann
getur numið staðar á hvaða stigi skemtananna sem er_
Það getur og verið maður, sem lítur svo skynsömum.
augum á lífið, að hann veit hóf í hverju máli.
Hverrar stéttar maðurinn er, skiftir ekki miklu máli.
Ef til vill er það sjómaður, sem víða hefir farið og í
margar raunir ratað og náð hefir á sig alheimsborgara-
blæ, að svo miklu leyti, sem sjómenn ná honum.