Ægir - 15.01.1965, Blaðsíða 14
8
ÆGIR
En einnig er nauðsyn á, að teknir verði
upp flutningar á síld til annarrar vinnslu
(söltunar og frystingar) og hefir þetta
ekki sízt komið í ljós eftir reynsluna í
haust og vetur er síldveiðarnar hafa brugð-
izt við Suðvesturland.
Þróun á mörkuðum sjávarafurða var
hagstæð á árinu 1964. Var yfirleitt um
hækkanir á verðlagi að ræða og í sumum
tilfellum allverulegar. Þessi þróun var að
sjálfsögðu það, sem réð úrslitum um það,
að sjávarútvegurinn var fær um það, með
smávægilegum stuðningi þess opinbera, að
standa undir þeim hækkunum, sem urðu
á framleiðslukostnaði af völdum kaup-
gjalds- og verðlagshækkana á árinu 1963
og 1964.
Stuðningur af hálfu hins opinbera var
fólginn í lækkun á útflutningsgjaldi af
afurðum þorskveiðanna og nokkurri
greiðslu til frystihúsanna til að auðvelda
þeim aðgerðir til bættra framleiðsluhátta.
Auk þess var á árinu 1964 greidd viðbót
á fiskverð til veiðiflotans, sem nam 6%
á tímabilinu jan-maí en 4% það sem eftir
var ársins. Þessar ráðstafanir voru bein
afleiðing af þeirri verðbólguþróun, sem
hér hafði orðið, sérstaklega á árinu 1963.
1 júní 1964 tókst samkomulag milli rík-
isstjórnarinnar, fulltrúa verkalýðsfélag-
anna og atvinnurekenda, sem miðaði að
því að hefta þá óheillavænlegu þróun, sem
hér hafði orðið og vissulega tókst með því
að draga mjög úr verðbólguþróuninni.
Þeir samningar gilda til eins árs.
Það verður að telja brýnasta verkefnið
í efnahagsmálum okkar að skapa aftur það
ástand, sem geri sjávarútveginum kleift
að nýta sína framleiðslumöguleika án opin-
berra styrkja, en von er til, að svo megi
verða ef haldið verður þeirri stefnu, sem
tekin var með júnísamkomulaginu.
JíL
Tryggvi Ólafsson:
Þorskalýsisframleiðslan 1964
Sala þorskalýsis
gekk yfirleitt vel.
Verð til herzlu fór
heldur hækkandi á
árinu á erlendum
markaði, og seinni-
part ársins fór það
nokkuð f ram úr því
verði sem hægt
var að f á fyrir fóð-
urlýsi og jafnvel
einnig meðalalýsi,
en verðsveiflur á
þessum tegundum eru minni og koma að
jafnaði nokkrum mánuðum á eftir. Vegna
þess að þorsalýsisframleiðslan var meiri
nú en undanfarin ár, þurfti að selja
nokkru meira magn en áður á erlendan
markað til herzlu. Þær sölur fóru fram í
maí og júní, eða nokkru áður en verð á
þessum markaði komst hæst, sem var í
nóvember.
Jafnframt því sem neyzla á meðalalýsi
fer heldur minnkandi í heiminum, aukast
kröfurnar um meiri gæði og geymsluhæfni.
Til þess að mæta þessum kröfum verður
tekin í notkun nú á vertíðinni ný vélasam-
stæða, sem eykur gæðin að mun. Eru
þetta fullkomnustu vélar sem völ er á til
þessarar vinnslu. Meðalalýsi frá þessum
vélum á að jafnast á við það bezta sem
til er á markaðnum.
Eins og undanfarin ár var áherzla lögð
á að útbreiða sölu á meðalalýsi og fóður-
lýsi, og að fara að óskum neytenda hvað
umbúðir og annan frágang snertir.
Ársframleiðslan á þorskalýsi nam 10270
tonnum (7753 tonn 1963). Skiptist hún
þannig milli báta og togara:
Bátar ... 9990 tonn (7307 tonn 1963)
Togarar . 280 tonn ( 446 tonn 1963)
Útflutningurinn nam samtals 9790 tonn-
um. Innanlandsnotkun á meðala- og fóður-