Ægir - 15.01.1965, Síða 18

12
ÆGIR
t
Minningarorð:
Ólafnr Thors
fyrrverandi forsœtisráðherra
Hinn 31. des. sl. lézt í Reykjavík Ólafur
Thors, fyrrv. forsætisráðherra, nær 73 ára
að aldri.
Starfsvettvangur Ólafs var einkum á
tveim sviðum, á sviði sjávarútvegs og
stjórnmála.
Ungur að árum, nýkominn úr skóla,
gerðist hann einn af framkvæmdastjórum
eins hins umsvifamesta togaraútgerðar-
félags landsins, h.f., Kveldúlfs, og átti
þannig veigamikinn þátt í þeirri stórfelldu
uppbyggingu sjávarútvegsins, sem átti sér
stað á öðrum og þriðja tug aldarinnar.
Er Ólafur tók sæti á Alþingi árið 1925,
og æ meir upp frá því, helgaði hann starfs-
krafta sína stjórnmálabaráttunni. En þá
kom honum að góðu haldi hin mikla þekk-
ing, sem liann hafði á málefnum sjávar-
útvegsins, enda skipti það miklu fyrir
hagsmuni þessa atvinnuvegs að eiga þar
svo traustan málsvara, svo mjög, sem at-
hafnir stjómarvalda hafa áhrif á allan
gang mála, einnig hjá atvinnuvegum þjóð-
arinnar.
Enda þótt stjórnmálastarfsemin sé í
eðli sínu alhliða og taki til flestra sviða
mannlegs lífs þá er það svo, að þeir sem
þar starfa beina athygli sinni meira að
einu sviði en öðru.
Ólafi Thors voru sjávarútvegsmálin alla
tíð mjög hugleikin, sem kom m.a. fram í
því, að í 5 ráðuneytum af 8, sem hann átti
sæti í, fór hann með sjávarútvegsmál.
Eitt mál, sem var örlagaríkara fyrir
sjávarútveginn og þjóðina alla, var þó al-
veg sérstakt áhugamál hans, en það var
landhelgismálið.
Á stjórnarárum sínum, 1944 -1947, lét
hann hefja rækilegan undirbúning að því
máli, sem síðar átti eftir að hafa mikla
þýðingu fyrir allan framgang þess. Það
var í ráðherratíð hans, árið 1952, sem
fyrsta stórátakið var gert í landhelgis-
málinu þegar dregnar voru beinar grunn-
línur umhverfis allt landið ogfiskveiðiland-
helgin ákveðin 4 sjómílur. Það féll í hans
hlut sem forsætisráðherra að eiga veiga-
mikinn þátt í að leysa, á farsælan hátt,
deiluna við Breta, um útfærslu fiskveiði-
landhelginnar 1958.
Sj ávarútvegurinn og þjóðin öll standa
í mikilli þakkarskuld við Ólaf Thors fyrir
það mikla starf, sem hann vann til eflingar
þeim atvinnuvegi. Fyrir hönd Fiskifélags
fslands skulu honum hér einnig færðar
þakkir fyrir þann góða skilning, sem hann
ávallt sýndi starfsemi þess.
Ég átti þess kost um meira en tvo ára-
tugi að hafa náið samstarf við Ólaf um
málefni sjávarútvegsins og mun ávallt
minnast þess með þakklæti í huga.
Eftirlifandi konu hans frú Ingibjörgu,
börnum þeirra og öðrum vandamönnum
eru hér sendar samúðarkveðjur.
DavíS Ólafsson.