Ægir - 15.02.1965, Blaðsíða 10

60
ÆGIR
raunar skilað aftur til fyrri eigenda, þar
sem kaupandi fékk ekki innflutningsleyfi
fyrir skipinu í Færeyjum. B/v Hrímbak
og b/v Apríl var lagt endanlega á árinu,
en höfðu áður verið í samfelldum rekstri,
enda stóð fyrir dyrum dýr flokkunarvið-
gerð á báðum þessum skipum. Ólíklegt
verður að telja, að þessi skip verði fram-
ar gerð út hérlendis a.m.k.
Eins og kunnugt er háir það mjög tog-
araútgerðinni, hversu mikinn mannfjölda
þarf að hafa á togurunum vegna vöku-
laganna frá 1956. Togararnir eru einu ís-
lenzku fiskiskipin, sem verða að lúta lög-
um í þessu efni, en á öðrum skipum er
þetta samningsatriði milli sjómanna og
útvegsmanna sjálfra og þar hefir það
stöðugt verið krafa sjómanna að fækka
skipverjum og eru þeir þar með tilbúnir
að leggja á sig aukna vinnu, sem leiðir til
betri hags beggja aðila. Þetta væri líka
vel hægt að gera á togurunum og sézt það
bezt á því, að Bretar hafa aðeins 20 menn
og Þjóðverjar 24 menn á þeim togurum
sínum, sem eru sambærilegir við togara
okkar. Sannar þetta nauðsyn þess að
breyta vökulögunum, þannig að hásetum
verði tryggð 8 klst. lágmarkshvíld á sól-
arhring á ísfiskveiðum í stað 12. Enginn
vafi er á því, að eins og aflabrögð eru nú
og hafa verið lengi undanfarið, myndu
hásetar eftir sem áður hafa meiri hvíld
á sólarhring en 12 klst. og verður það
ljósara þegar litið er á það, sem á er
bent hér að framan, að á s.l. ári er meðaJ-
afli á úthaldsdag tæplega 7,1 tonn á sól-
arhring og karfinn, sem er rúml. 37 % af
heildaraflanum er ekki einu sinni slægður.
Eins og ég benti á í síðustu áramóta-
grein (Ægir 1964, 3 tbl.) fæst ekki fram-
tíðarlausn á vandamálum togaranna,
nema m.a. með því að togararnir fái á ný
heimild til að veiða hér við land á sín-
um gömlu hefðbundnu veiðisvæðum. sem
byrjað var að skerða með útfærslu fisk-
veiðitakmarkanna 1950.
Nú er svo komið, að 12 mílna fiskveiði-
lögsagan er orðin kvaðalaus af hálfu út-
lendinga og er því tímabært að gera nú
sem allra fyrst ráðstafanir til að allir ís-
lendingar njóti sama réttar til að hag-
nýta hana, jafnt togararnir sem önnur
veiðiskip, enda er hún sameign allra
landsmanna. Það er staðreynd, að botn-
varpan gengur ekki nær fiskstofninum en
önnur þorskveiðarfæri, sem hér eru notuð
að undantekinni línu.
Sjái ríkisvaldið sér ekki fært að verða
við þessari réttmætu kröfu togaraútgerð-
arinnar, er óhjákvæmilegt, að henni verði
bætt það að fullu.
Mótornámskeið
Mótornámskeið Fiskifélags Islands hóf-
ust 1. október s.l. á eftirtöldum stöðum.
Hið minna námskeið í Reykjavík og á
Akureyri. Ennfremur hið meira mótor-
námskeið, sem haldið er í Reykjavík.
Hinu minna námskeiði á Akureyri lauk
20. janúar. Námskeiðið sóttu 21 nemandi
og luku allir prófi.
Hæstu einkunn hlaut Eiríkur Kristinn
Sævaldsson frá Ólafsfirði, 46V3 stig, með-
aleinkunn 7.72, sem er ágætiseinkunn
(hæsta eink. 8). I prófinu hlutu 5 menn
ágætiseinkunn, 5 fyrstu einkunn, 8 aðra
einkunn og 3 með þriðju einkunn.
Námskeiðinu á Akureyri veitti forstöðu
Símon Þ. Símonarsson, vélstjóri frá
Reykjavík.
Hinu minna námskeiði í Reykjavík lauk
21. janúar. Nemendur voru 34 að tölu.
Prófi luku 33.
Hæstu einkunn hlaut Finnbogi Gísli
Sigurðsson frá Hafnarfirði, 47 stig, með-
aleinkunn 7.83, sem er ágætiseinkunn. I
prófinu hlutu 8 menn ágætiseinkunn, 10
fyrstu einkunn, 12 aðra einkunn og 3
þriðju einkunn.
Hið meira mótornámskeið stendur yfir
til loka aprílmánaðar. Magnús J. Magnússon.
LEIÐRÉTTING.
Rétt þykir að benda á, að í grein Sveins Bene-
diktssonar í síðasta blaði féll niður orð. Á bls.
36, fyrra dálki, 12 línu a.o. vantar orðið „meðal-
verð“ á eftir £ 60-7-0 cif.
1