Ægir - 01.12.1965, Blaðsíða 9

ÆGIR
347
Framhald af bls. 345.
Að því er bezt er vitað, er aðeins eitt annað
fiskiskip í Evrópu með slíkan útbúnað, en það er
íslenzki báturinn „Höfrungur“, og hefur bann
reynzt mjög vel.
„Asur“ er 425 lestir, 142 fet á lengd og 27 fet
á breidd, áhöfn 28 manns. Búizt var við, að hraði
skipsins yrði 11 mílur, en í reynsluför gekk það
12Vz mílu. Skipið er búið öllum nýtízku sigling-
ar- og fiskileitartækjum, auk þess sem það hefur
sjálfstýringu. Þar er líka vél, sem vinnur eina
lest af fersku vatni úr sjó á sólarhring.
í „Asur“ eru tvær frystigeymslur, sem taka 60
rúmmetra og fiskilestin er kæld. Frystivélarnar
geta fryst 15 lestir af lúðu eða hákarli á sólar-
hring og hægt er að framleiða 5 lestir af flökum
á sama tíma.
„Asur“ hefur tvær stórar fiskigeymslur, 13000
ferfeta, og á síldveiðum er hægt að frysta um
150 lestir og salta í 1000 tunnur jafnframt.
Þó að skipið eigi aðallega að stunda síldveiðar
eða línuveiðar, er ætlunin að nota það einnig
stöku sinnum til að veiða hámeri, en góður mark-
aður er fyrir hana í sumum Evrópulöndum.
(Fishing News).
Frá Bretlandi
Sjálfvirk slægingarvél - ný uppfinning í Aberdeen.
FISKIKAUPMAf)UR í Aberdeen, Robert Johann-
esson að nafni, hefur fundið upp slægingarvél
fyrir togara, eftir 16 ára tilraunir, sem kostað
hafa mörg hundruð pund. Vélin, sem er hálfsjálf-
virk, er talin geta orðið togarasjómönnum að
miklu gagni og sótt hefur verið um einkaleyfi
fyrir henni.
I sambandi við gerð vélarinnar var það mikið
vandamál, hvernig komast átti hjá því að skemma
kvið fisksins, en þetta atriði hefur hr. Johannes-
son leyst að miklu leyti. Það er líka mikilvægt, að
vélin getur hreinsað sig sjálf.
Slægingarvélin er 15 þumlungar á hvern veg
og hefur tvo rafmótora. Framleiðsluhraðinn er
undir því kominn, hve fljótt starfsmaðurinn get-
ur unnið við vélina. Næsta skrefið verður að
reyna þessa vél á sjó.
Það hefur lengi verið uppáhaldsstarf Johann-
essonar að smíða vélar og í vinnustofu hans í
Aberdeen hefur þegar verið fundin upp og fram-
leidd afuggunarvél, en 100 slíkar vélar eru nú
í notkun í fiskvinnsluhúsum í borginni.
Johannesson, sem er íslenzkur í föðurætt, var
í siglingum í mörg ár, en settist að í landi 1935
og stofnaði sinn eigin atvinnurekstur ári síðar.
Honum var hvað eftir annað ráðlagt að hætta við
tilraunir með slægingarvélina, en þrautseigja
hans og þolinmæði hefur fært honum sigur. Hann
er nú byrjaður tilraunir með hentuga flökunar-
vél. (Fishing News).
<--------------------------------------------A
Frá Verðlagsráði sjávarútvegsins
^____________________________________________■*'
Síldarverð
Með tilvísun til laga nr. 97/1961 hefur Verð-
lagslagsráð sjávarútvegsins ákveðið eftirfarandi
viðbótarákvæði við lágmarksverð það, sem gildir
til 31. desember n. k. um síld veidda við Suður-
og Vesturland, þ. e. frá Hornafirði vestur um að
Rit, til vinnslu í verksmiðjum.
Heimilt er að greiða kr. 0.22 lægra pr kg. á
síld til bræðslu, sem tekin er úr veiðiskipi í flutn-
ingaskip, heldur en auglýst var í tilkynningu
ráðsins nr. 13/1965 frá 30. september 1965.
Reykjavík, 5. nóvember 1965.
Verðlagsráð sjávarútvegsins.
Allir sjómenn, eldri og yngri, þurfa að eignast bókina
ENSK LESTRARBÓK handa sjómönnum.
Þar er að finna ensk heiti ó öllum hlutum ó skipi og í dokk.
Auk þess er bókin góður leiðarvísir fyrir sjómenn
í erlendum höfnum. — Kostar 40 kr. í sterku bandi.
Bókaverzlun ísafoldar.