Ægir - 01.07.1971, Blaðsíða 14
164
Æ GIR
Arsfundur Norðaustur-Atlantshafsfiskveiðinefndarinnar 1971
9. ársfundur Norðaustur-Atlantshafs-
fiskveiðinefndarinnar var haldinn í Lond-
on 3.—8. þessa mánaðar. Eftirgreindar
þjóðir eiga sæti í nefndinni: Belgía, Bret-
land, Danmörk, Frakkland, Holland, fr-
land, Island, Noregur, Pólland, Portúgal,
Sovétríkin, Spánn, Svíþjóð og Þýzkaland.
Fundinn sóttu af Islands hálfu Hans G.
Andersen, þjóðréttarfræðingur utanríkis-
ráðuneytisins, Jón L. Arnalds, ráðuneytis-
stjóri sjávarútvegsráðuneytisins, Jón
Jónsson, forstjóri Hafrannsóknastofnun-
arinnar, Már Elísson, fiskimálastjóri og
Pétur Sigurðsson, forstjóri Landhelgis-
gæzlunnar.
Á dagskrá fundarins voru meðal annars
eftirgreind málefni:
Skýrsla Alþjóðahafrannsóknaráðsins
um rannsóknir á fiskstofnum á Norð-
austur-Atlantshafssvæðinu, en í skýrsl-
unni er gefið heildaryfirlit yfir fiskveiðar
á svæðinu á árunum 1962 til 1969 og
ástand einstakra stofna, þ. á m. ástand
þorsk- og ýsustofnanna við ísland og í
Barentshafi og ástand norsk-íslenzka síld-
arstofnsins, síldarstofnanna í Norðursjó
og makrílstofnanna í Skagerak og Norð-
ursjó. Fyrir fundinum lá ennfremur að
ræða um bann við laxveiðum í sjó.
Á dagskrá fundarins var einnig að
ræða sameiginlegt eftirlit með því að
ákvæðum Norðaustur-Atlantshafssamn-
ingsins sé framfylgt, og samræmingu á að-
ferðum við mælingar á möskvastærð á
Norðaustur- og Norðvestur-Atlantshafi.
Þá var og til umræðu gildistaka 2. máls-
gr. 7. gr. samnings um ákvörðun hámarks-
afla í Norðaustur-Atlantshafi og skiptingu
hans milli þjóða, en sjö ríki hafa sam-
þykkt gildistöku ákvæðisins, þ. e. Bret-
land, Danmörk, Frakkland, Irland, Nor-
egur, Spánn og Svíþjóð.
Mörg önnur efni voru á dagskrá fund-
arins.
Fyrir fundinum lá tillaga Islands um
lokun svæðis úti af norðaustur Islandi fyrir
öllum togveiðum á tímabilinu júlí til des-
ember ár hvert í fimm ár, en tillaga þessi
kom fram á ársfundi nefndarinnar 1967
og var frestað meðan sérstakar rannsókn-
ir á ástandi þorsk- og ýsustofnanna við
Island færu fram. Niðurstöður þeirra
rannsókna lágu nú fyrir. Á grundvelli
skýrslunnar taldi nefndin, að lokun svæð-
isins hefði ekki tilætluð áhrif til verndar
stofnunum, þar sem slík lokun myndi að-
eins hafa í för með sér sóknartilfærslu en
ekki sóknartakmörkun.
Nefndin var sammála um, að koma yrði
í veg fyrir hættuna á aukinni sókn á Is-
landsmið. Ástand þorskstofnanna í Barents-
hafi og við Vestur-Grænland er þannig, að
mikil hætta er á, að skip, sem stundað hafa
veiði á þessum svæðum, leiti í ríkari mæli
á miðin hér við land. Fundurinn beindi
því til Alþjóðahafrannsóknaráðsins að það
léti í té heildarupplýsingar um ástand og
þol þorsk- og ýsustofnanna á Norðvestur-
og Norðaustur-Atlantshafi og sókn í þá,
þannig að hægt væri að taka afstöðu til
sóknar á Islandsmið með hliðsjón af því.
Jafnframt ákvað nefndin að taka til at
hugunar á næsta ársfundi eða fyrr, ef unnt
er og ástæða þykir til, hvaða ráðstafanir
séu nauðsynlegar til verndar þorsk- og
ýsustofnunum við Island.
Af íslands hálfu var því lýst yfir, að
slíkar rannsóknir væru mjög æskilegar og
vonir stæðu til að þær gætu haft mikla
þýðingu, en að ríkisstjórn Islands myndi
að sjálfsögðu hafa öll þessi mál í stöðugri
athugun með það fyrir augum, að gera
nauðsynlegar og fullnægjandi ráðstafanir
til að vernda þá lífshagsmuni, sem hér er
um að ræða.
Nefndin fagnaði samkomulagi, er gert
hefur verið milli íslands, Noregs og Sovét-
ríkjanna um takmarkanir á aflamagni við