Ægir - 15.10.1971, Blaðsíða 10
288
ÆGIR
veiðitímabilsins (byrjun júní) og var það
gert til þess, að sem fæst hrognkelsanna
veiddust strax eftir merkinguna, en meg-
intilgangur hennar er sá, ag afla upplýs-
inga um, hvort hrognkelsin leiti aftur á
sömu slóðir að ári, í hve miklu magni og
hversu vexti þeirra hafi miðað yfir vetur-
inn. Alls náðist að merkja 232 hrognkelsi,
en mjög var farið að draga úr aflanum
þarna, sem reyndar varð aðeins helmings-
afli miðað við í fyrra. Tvö hrognkelsi hafa
endurveiðzt (0,9%), bæði inni á Eyja-
firði (3. mynd).
Dagana 1.—8. júlí fóru fram við Akur-
ey og út undan Gróttu við Reykjavík sams
konar merkingar og á Húsavík. Merkt
voru alls 500 hrognkelsi og hafa 9 þeirra
endurveiðzt (1,8%), öll skömmu eftir
merkingu og flest á sömu slóðum og þau
voru merkt á. Tvö veiddust við Kerlingar-
sker í Skerjafirði og tvö við Akranes.
Verður fróðlegt að fylgjast með því, hvað
endurheimtist úr þessum merkingum að
ári.
Auk framangreindra merkinga, stóð til
að merkja hrognkelsi við A-Grænland,
þegar r/s Bjarni Sæmundsson var í fiski-
leitarleiðangri þar í apríl síðastliðnum. En
það fór á annan veg, vegna þess að engin
hrognkelsi veiddust þar. Á Dohrnbanka
tókst að merkja tvær grásleppur, en ekk-
ert hefur spurzt til þeirra síðan. Hafa því
alls verið merkt á þessu ári 1205 hrogn-
kelsi. I heild má segja að þessar fyrstu
endurheimtur úr hrognkelsamerkingunum
bendi til, að hrognkelsin fari víða með
ströndum fram og líkur á að aðeins sé um
einn stofn að ræða.
2. mynd. Endurheimtustacíir hrognkelsa, sem merkt voru við Vesturland. Tölurnar tákna fjölda
daga í sjó.