Ægir - 01.11.1971, Blaðsíða 6
308
ÆGIR
Hrafnkell Eiríksson, fiskifræðingur:
Haf- og fiskirannsóknir
Rækjuleit rs. Hafþórs við Vestur- og Norðvesturland í maí 1971
Dagana 13. maí — 26. maí 1971 var r/s
Hafþór við rækjuleit og rannsóknir við
vestanvert landið. Leiðangursstjóri var
Hrafnkell Eiríksson og rannsóknamenn
Guðmundur Skúli Bragason og Þorsteinn
Jónsson. Skipstj. var Valgarður Þorkelss.
Rækjuleitin beindist einkum að svæðinu
úti af Vestfjörðum, en síðasta degi leið-
angursins var varið í Jökuldjúpinu. Þá voru
og gerðar nokkrar samanburðartilraunir
með tvær gerðir rækjuvarpa á miðunum
við Eldey. Mynd 1 sýnir togstöðvarnar, en
í töflu 1 er gerð nánari grein fyrir þeim.
Allgóður afli fékkst við Eldey um þetta
leyti, en rækjan var nokkuð misjöfn að
stærð. Þessar athuganir á Eldeyjarsvæð-
inu voru annars liður í frekari tilraunum
á þessu svæði, og verður þeim ekki gerð
nánari skil hér.
Eins og áður sagði, var lögð sérstök
áherzla á að kanna Djúpálinn úti af Isa-
fjarðardjúpi. Reyndist togbotn á þessu
svæði víða nokkuð slæmur, nema hvað á
allstóru svæði utarlega á álnum var um
góðan botn að ræða. Fékkst á þessu svæði
allmikið magn af rækju, eða upp í 320 kg
á togtíma og að jafnaði 173 kg. í 14 tog-
um. Var þetta yfirleitt góð og jöfn rækja
og fóru að meðaltali 213 stk. í kg. Stærð
svæðisins, sem rækjan fékkst á, var um
5 sjómílur að lengd og 2 sjómílur að breidd,
og dýpið var 229—256 m. Þess má geta,
að straumur var hér mikill og gerði það
nokkru erfiðara fyrir með veiðar en ella.
I Jökuldjúpi fékkst góður vottur af
rækju, eða upp í 100 kg. á togtíma. Var
rækjan smá, en þetta svæði þyrfti engu
síður að kanna mun nánar.
Þá var leitað í Patreksfirði, Tálknafirði
og Hafnarál, en afli var lítill eða enginn.
Vonast er til að nýju rækjumiðin í Djúp-
álnum geti að einhyerju leyti stuðlað að
sumarrækjuvertíð á Vestfjörðum, en þai'
hefur rækja enn sem komið er aðeins ver-
ið veidd innfjarða á vetrum. Ennfremur
eru bundnar miklar vonir við þessi mið í
sambandi við þær rækjumerkingar, sem
nú eru á döfinni hjá Hafrannsóknastofn-
uninni og hafnar voru á þessu hausti. Ættu
merkingar á þessu svæði að geta fært
gild rök fyrir því, hvort samband sé t. d.
milli Djúpálsins og Isafjarðardjúpsins í
formi rækjugangna, eður ei, en upplýsing-
ar um rækjugöngur ásamt frekari þekk-
ingu á útbreiðslu rækjunnar við ísland
eru hvað brýnust verkefni nú í dag.
Tafla 1.
H9-71 Staða Dýpi (m) Togtími (mín.) Rækja á tog- tíma (kg.) Fjöldi í kg. Athugasemdir
1 63°51' N—23°22'V 139—143 60 250 234
2 63°49' N—23°14'V 140—143 60 300 284
3 63°52' N—23°02'V 112—124 60 120 236
4 63°53' N—22°55'V 110 60 3
5 63°52' N—23°02'V 124 60 70 214
6 63°49' N—23°14'V 141—143 60 120 174
7 63° 51' N—23°20'V 135—141 60 75 342
8 65°35'8N—24°02'V 55—64 30 +
9 65°36'2N—24°03'V 04—66 55 7 436