Ægir - 01.12.1971, Blaðsíða 7

ÆGIR
357
TOGARARNIR
í nóvember
Veiði togaranna í nóvember hefur yfir-
ieitt verið fremur treg. öll fiskiskipin á
heimamiðum nema eitt, Karlsefni, sem
veiddi við A.-Grænland 122.2 lestir, sem
var nær eingöngu þorskur. Annars var
meginhluti aflans hjá flestum skipanna
ufsi. Næst að magni er karfi, en minna af
öðrum tegundum.
Heimalandanir eru 14 .... afli 1617.2 lestir
Erlendis eru landanir 16.afli 2414.6 lestir
Samtals 4031.8 lestir
I nóvember 1970 landa aðeins tveir tog-
arar heima 284.9 lestum en erlendis er þá
landað 3729.9 lestum úr 22 veiðiferðum.
Afli frá áramótum til nóvemberloka er
59.164.1 lest. Landanir 345, þar af erlendis
69.
Á sama tímabili 1970 er aflinn 65894.4
lestir. Landanir eru þá 344, þar af erlendis
173. Hafa verður í huga, þegar þessi sam-
anburður er gerður, að skipin voru ekki
við veiðar vegna verkfalla nokkuð á annan
mánuð á þessu ári.
Árið 1970 eru hinsvegar farnar miklu
fleiri söluferðir á erlendan markað. Að
sigla með aflann tekur vitanlega mikinn
tíma frá veiðum umfram það, þegar land-
að er hérlendis. Miðað við sókn er því afl-
inn í ár nokkru minni en hann var árið
1970.
Leiðrétting:
Framleiðsla sjávarafurða
Sú prentvilla varð í síðast tbl. Ægis, að
yfir töflunni um Framleiðslu sjávarafurða
stóð: „Framleiðsla sjávarafurða 1. jan.—
30. júní 1971 og 1970“, en á að vera
1. jan.—30. sept. 1971 og 1970. Þetta eru
eigendur Ægis vinsamlegast beðnir að
leiðrétta í blöðum sínum.
ö-----------—-----------------------ö
Erlendar fréttir
Frá Færeyjum
Það er þröng á fiskimiðum við ísland.
Færeyingar hafa þær fréttir að færa af Is-
landsmiðum, að þar sé nú mjög mikil ásókn stórra
erlendra togara útaf Vestfjörðum. Einkum eru
þetta brezkir og þýzkir skuttogarar en einnig
norskir og færeyskir, sem annars eru ekki vanir
að veiða á þessum slóðum. Þessir togarar lágu í
stórfiski og þurrkuðu upp gönguna, að því er
sagt er á örstuttum tíma. íslenzkur sjómaður er
borinn fyrir þeirri frétt að meðan útlendingarnir
fleyttu rjómann, yrðu íslenzku smátogbátarnir
að láta sér nægja flautirnar.
(Fiskaren).
Frá Grænlandi
Fimbulvetur á Grænlandi.
Það eru svo miklar frosthörkur við Grænland,
að þar frýs allt í höndunum á sjómönnunum við
línu- og netaveiðarnar, segir í frétt í Fiskaren
9. des. Norsku bátarnir, sem eru yfirbyggðir, geta
haldizt við, en hinir, sem ekki eru það, verða að
sögn skipstjóranna að leita burt af miðunum.
Það hefur verið heldur tregt hjá norsku bát-
unum á Nýfundnalandsmiðunum, en er nú að
glæðast hjá línubátunum. 1 fréttinni í Fiskaren
segir, að einn stór línubátur sé á leið frá Labra-
dor með grálúðu og hafi fengið góðan afla. Fær-
eyingar stunda mjög þessar veiðar, og menn eru
uggandi um ofveiði á þessari fisktegund á þess-
um miðum.
Fiskaren.
Byggja þarf fiskihafnir á undan
fiskiflotanum.
Svo virðist sem þróun fiskihafna hafi ekki fylgt
nægjanlega þróun fiskiflotans. Nýtízku fiskifloti
nýtist ekki fyllilega nema afgreiðsla sé góð í
höfnum. Þetta vandamál varð sérstaklega til um-
ræðu hjá FAO í sambandi við þá fyrirætlan Ind-
verja að byggja um 300 togara á næstu fimm
árum. Það er talið, að þetta mikla plan, sé dæmt
til að mistakast, ef ekki er jafnframt gert ráð
fyrir góðri hafnaraðstöðu fyrir þennan flota.