Ægir - 15.12.1971, Blaðsíða 32
406
Æ GIR
Vetrarverliðin 1971
Hér á eftir fer yfirlit yfir vetrarvertíð-
ina 1971. Er yfirlitið í fernu lagi:
1. Skrá yfir afla og aflavei’ðmæti báta,
sem eingöngu eða að hluta stunduðu
veiðar með nót.
2. Skrá yfir afla- og aflaverðmæti báta,
sem stunduðu veiðar með öðrum veiðar-
færum en nót.
3. Samandregið yfirlit yfir róðra, úthald
og meðalafla.
4. Skrá yfir skiptingu þorskafla eftir veið-
arfærum og vinnslustöðvum.
1. Bátar, sem voru með nót.
I skýrslunni er yfirlit yfir afla- og afla-
verðmæti 71 skips. Aflinn varð samtals
212 þús. lestir og aflaverðmæti rúmar 520
millj. króna. Á samsvarandi skýrslu fyrir
vetrarvertíð 1970 voru 70 skip með 221
þús. lesta afla og aflaverðmæti upp á rúmar
412 millj. króna. Eins og skýrslan ber með
sér, eru þetta fyrst og fremst bátar, sem
stunduðu loðnuveiðar með nót. Afli þeirra
í önnur veiðarfæri er einnig skráður.
Nokkrir smærri bátar, sem hófu nótaveið-
ar í lok maí eru taldir með þessum flokki.
Undir veiðarfæraflokknum botnvarpa o. fl.
eru talin 961 tonn, sem fengust á línu og
undir sama lið eru færð 547 lestir af
spærlingi úr spærlingstrolli. Aflaverðmæt-
ið er brúttó-verðmæti, þ. e. að innifalið er
greiðsla til Stofnfjársjóðs, hlutdeild í út-
gerðarkostnaði og uppbætui' vegna línu-
fisks og á þetta við um allar tölur um afla-
verðmæti.
Mestu aflaverðmæti skilaði á land Grind-
víkingur, kr. 17.240 þús., en næstmestu
Gísli Árni, kr. 16.410 þús.
Mestum afla skilaði á land Gísli Árni,
7689 lestum, en næstmestum Grindvíking-
ur, 6038 lestum.
Skipstjóri á Gísla Árna var Eggert
Gíslason og á Grindvíkingi var Björgvin
Gunnarsson skipstjóri.
II. Bátar, sem voru meö önnur veiðarfæri
en nót.
Á skýrslunni er yfirlit yfir afla- og
aflaverðmæti 434 báta. Afli þeirra varð
189 þús. lestir og aflaverðmæti tæpar
1675 millj. króna. Á samsvarandi skýrslu
yfir vetrarvertíðina 1970 var skrá yfir 417
báta, sem öfluðu rúmar 226 þús. lestir, og
aflaverðmæti var 1526 millj. króna.
Einar Björn Einarsson, Hörður Jónsson,
Hornafirði. Vestmannaeyjum.
Bjarni Jóhannsson,
Eyrarbakka.
Henning Fredriksen,
Stokksevri.