Ægir - 01.02.1989, Side 33
2/89
ÆGIR
85
í Iquique fyrir fáum árum og vinnur hún árlega úr 535
þús. tonnum af hráefni.
Þá hefur orðið aukning á lagmetisframleiðslu og
frystingu, og árið 1986 voru starfandi 87 lagmet-
isverksmiðjur, sem framleiddu það árið 57.866 tonn.
Þeir sjóða niður sardínur og makríl auk ýmissa
krabba- og lindýrategunda.
Umtalsverð aukning hefur orðið á frystingu sjáv-
arafurða frá 1982. Aðallega frysta þeir lýsing og
sæborra.
Fiskeldi er þó nokkuð í Chile og árið 1986 nam
framleiðslan á laxi og regnbogasilungi 2150 tonnum
og af kræklingi og ostrum 2500 tonnum. Hingað til
hafa þeir aðallega ræktað Kyrrahafslax, en nú hafa
þeir í auknum mæli snúið sér að Atlantshafslaxinum.
Þá rækta þeir þörunga í stórum stíl og framleiddu rúm
10 þús. tonn árið 1986.
Lýsisframleiðslan var 61 þús. tonn árið 1987, sem
var um helmingur þess sem framleitt var árið áður og
sú minnsta síðan 1984, en árið 1987 brást sardínu-
og ansjósuveiðin.
,tr>m aflahæstu
Fram'eiðsla í sjávarútvegi Chile 1977 - 86
Milljón
i°nna
Útflutningur
Árið 1986 nam útflutningur sjávarafurða frá Chile
1.3 millj. tonnum, og var aðaluppistaðan fiskmjöl.
Heildarverðmætið var 535 milljónir bandaríkjadalir,
sem var 16 prósent aukning frá árinu áður. Árið 1987
fluttu þeir út 1.09 milljón tonn af fiskmjöli fyrir um
358 milljón bandaríkjadali og fengust þá 327 dalir að
meðaltali fyrir tonnið. Árið 1986 fengust 289 dalir
fyrir tonnið og 251 dalur árið 1985.
Chile selur um 40 prósent af því fiskmjöli sem
framleitt er í heiminum í dag og eru helstu kaupendur
V-Þýskaland, Japan, Bandaríkin, Taiwan, Holland og
S-Afríka.
Útflutningur á frystum sjávarafurðum nam rúmum
42 þús. tonnum árið 1986 og búast má við aukningu
á þessu sviði á næstu árum. Þá hafa Bandaríkjamenn
sóst eftir ferskum laxi frá Chile í auknum mæli. Árið
1986 keyptu þeir fyrir 2.9 millj. dali og um 5 milljón
dali 1987 og er Chile í þriðja sæti helstu seljenda á
ferskum laxi til Bandaríkjanna. En þann markað hafa
Norðmenn og Kanadamenn nánast einokað.
Af framansögðu má sjá að mikil gróska er í útflutn-
ingi sjávarafurða frá Chile, og miðað við þá þróun
sem þar hefur átt sér stað hin síðari ár, má búast við
að frekara framhald verði þar á.