Ægir - 01.10.1989, Blaðsíða 17

10/89
ÆGIR
521
að starfsemi þeirra máganna Jón-
asar og Friðriks hafi í gegnum tíð-
ina eflt mjög norðfirskan sjávarút-
veg og reyndar hafa fleiri notið
góðs af því, þjónusta þeirra hefur
náð langt út fyrir Neskaupstað.
Friðrik annast viðhald loðnu- og
síldarnóta fyrir fjölmarga útgerð-
armenn víða af landinu og s.l. ár
geymdi hann og sá um 24 síldar-
nætur og 11 loðnunætur fyrir þá.
Síldarvinnslan
Síldarvinnslan hf. hefur verið
burðarásinn í norðfirsku atvinnu-
i'fi s.l. aldarfjórðung. Fyrirtækið
var stofnað 11. des. 1957. Til-
gangur félagsins var að reisa og
reka „síldarverksmiðju, síldar-
verkun og annan skyldan atvinnu-
rekstur í Neskaupstað". Tilgangur-
'nn náðist-og rúmlega það. Þetta
er í dag eitt alstærsta fyrirtæki í
sjávarútvegi á íslandi og hefur
með höndum fjölþætta starfsemi.
Athafnamaðurinn Sigfús Sveinsson
„Sigfús hafði mikinn atvinnurekstur. Fyrir utan útgerðina rak hann
mikla fiskverkun. Algengt var að landverkafólkið hjá Sigfúsi væri 40
talsins. Kom þetta fólk að miklu leyti að sunnan og starfaði á Norð-
firði yfir sumarið. Oft voru líka Sunnlendingar á bátum Sigfúsar og
einnig hafði hann stundum færeyska sjómenn. Sumir komu aftur og
aftur til starfa hjá Sigfúsi.
Sigfús stundaði umfangsmikil fiskikaup af erlendum veiðiskipum,
bæði norskum og færeyskum. Sömu erlendu skipin komu ár eftir ár
til veiða á íslandsmiðum á þessum tíma og lögðu aflann upp hjá Sig-
fúsi.
Keypti Sigfús ekki fisk af veiðiskipum annarra þjóða?
Nei, ekki er mér kunnugt um það. Ég veit að Konráð Hjálmarsson
kaupmaður á Norðfirði, keypti fisk af enskum botnvörpungum, en
það var áður en ég kom til Norðfjarðar, Þó svo að mikið af frönskum
fiskiskipum kæmu til Norðfjarðar á árunum 1920-1930 var ekki
keyptur af þeim afli. Mér er minnistætt að t.d. í kringum hvítasunn-
una lágu oft 30-40 franskar skútur á Norðfirði dögum saman. Frans-
mennirnir komu mikið í land og þvoðu af sér í lækjum. Voru talsverð
samskipti á milli Norðfirðinganna og Fransmannanna t.d. seldu þeir
Norðfirðingum oft mikið af víni."
Hannes Ivarsson
Sjómannadagsbl. Nesk. 1980
Við starfrækjum:
Frystihús
Loðnuverksmiðju
Saltfiskverkun
Síldarsöltun
Bílaverkstæði
Dráttarbraut
Vélaverkstæði
Við gerum út:
skuttogarana
Loðnuskipið
Loðnu- og frystiskipið
Birting NK 119
Barða NK 120
Bjart NK 121
Börk NK 122
Beiti NK 123
Síldarvinnslan hf. Neskaupstað
Sími 97-71500 Telefax 97-71105