Ægir - 01.10.1989, Blaðsíða 60

564
ÆGIR
10/89
BÓKAFREGN
Áhugaverð bók
í jólabókaflóðinu ■ eru ávallt
nokkrar minningabækur. Þessar
bækur njóta töluverðra vinsælda
og er ég einn af þeim sem les nán-
ast allar þær sem ég næ í. Ég varð
því undrandi þegar ég rak augun í
endurminningabók á borði hjá
kunningja mínum hjá Fiskifélag-
inu sem heitir „Jól á Halanum" og
ég kannaðist ekki við. Þegar ég fór
að athuga hana nánar kom í Ijós
að hér voru komnar endur-
minningar Hans Pauli Johannesen
eins þekktasta togaraskipstjóra
Færeyinga á þessari öld. Nafn
bókarinnar kom til af því að hann
fór í áraraðir jólatúra á Halann til
að gera góða sölu í Englandi í árs-
byrjun. Ekki stóð á því að fá bók-
ina lánáða og hafði ég gaman af
að lesa hana og finna sjávar-
skvettur á hverri blaðsíðu þess
utan að það er alltaf skemmtilegt
að lesa færeysku af og til.
Saga Hans Pauli er saga manns
sem bæði lenti í mótbyr um
ævina, en hafði líka ástæðu til að
gleðjast. Þegar vel gekk var grunnt
á öfundinni en hann þurfti líka að
horfast í augu við rekstrarerfið-
leika bæði sem útgerðar- og
athafnamaður. Fjöldi mynda er í
bókinni sem er 460 bls., en hún er
jafnframt saga sjávarútvegsins í
Færeyjum á þessari öld. Mér varð
starsýnt á eina myndina en hún
var af togaranum Skoraklett, en
hann var einn af þeim gömlu
togurum sem Færeyingar keyptu
af íslendingum eftir heimsstyrjöld-
ina síðari. Hafði faðir minn verið
einn af eigendum hans áður en
Færeyingar keyptu hann og hét
hann þá Kópanes en þar áður
Hilmir. Færeyingar eru þekktir
fyrir nýtni og það varð ýmsum
eftirminnilegt þegar þeir breyttu
nafninu í Skoraklett aðallega með
því að setja Sfyrir framan Kópanes
en nafnið er þá að mestu leyti
komið.
Bókin „Jól á Halanum" er ekki
til sölu í bókabúðum en þegar ég
ENDURMINNINGAR
JÓL Á HALANUM
talaði við starfsmenn hjá bókabúð
Máls og menningar á Laugaveg-
inum var mér bent á að þar starf-
aði Færeyingur á skrifstofunni, Jón
Finn að nafni og pantaði hann
bækur erlendis frá þar á meðal fra
Færeyjum.
Halldór Halldórsson
útvegsfræðingur
FISKVERÐ
Rækja
Verðlagsráð sjávarútvegsins hefur ákveðið eftirfarandi
lágmarksverð á rækju, er gildir frá 1. október 1989 til 31.
janúar 1990.
Rækja, óskelflett í vinnsluhæfu ástandi kr. pr. kg
1. 230 stk. og færri í kg 81.00
2. 231 til 290 stk. í kg 73.00
3. 291 til 350 stk. í kg ....................... 68.00
Undirmálsrækja, 351 stk. í kg o.fl. 30.00
Verðflokkun byggist á talningu trúnaðarmanns, sem til-
nefndur er sameiginlega af kaupanda og seljanda.
Verðið er miðað við að seljandi skili rækju á flutningstæki
við hlið veiðiskips.
Reykjavík, 29. september 1989
Verðlagsráð sjávarútvegsins.
FISKVERÐ
Síld til frystingar og söltunar
Verðlagsráð sjávarútvegsins hefur ákveðið eftirfarandi
lágmarksverð á síld til frystingar og söltunar á síldarvertíð
haustið 1989.
1. Síld, 33 cm og stærri, hvert kg........... kr. 10.70
2. Síld, 30 cm að 33 cm, hvert kg kr. 9.00
3. Síld, 25 cm að 30 cm, hvert kg............ kr. 5.00
Greitt verði 10% álag á ofangreint verð á síld, sem kæld
er í kössum eða körum og hæf er til vinnslu.
Stærðarflokkun og gæðamat framkvæmist með sam-
komulagi aðila.
Verðið er miðað við síldina komna á flutningstæki vi
hlið veiðiskips. Síldin skal vegin íslaus.
Verðið er uppsegjanlegt frá 1. nóvember með viku fyrir
vara.
Reykjavík, 3. október 1989
Verðlagsráð sjávarútvegsms-