Ægir - 01.11.1989, Blaðsíða 7
11/89
ÆGIR
567
48. FISKIÞING • 48. FISKIÞING • 48. FISKIÞING • 48. FISKIÞING
Þorsteirm Gíslason:
Setningarræða
fiskimálastjóra
Ráðherra, ágætu þingfuI Itrúar
og aðrir gestir.
Ég býð ykkur velkomin til 48.
Fiskiþings. Sérstaklega býð ég
velkomna nýja fulltrúa sem nú
sitja Fiskiþing í fyrsta sinn.
Ég vil minnast tveggja félaga
okkar sem látist hafa á árinu,
þeirra Helga Bergvinssonar skip-
stjóra, er lést 16. maí sl. og Bald-
urs Guðmundssonar útgerðar-
manns, en hann lést 14. ágúst sl.
Helgi Bergvinsson fæddist að
Grund á Svalbarðsströnd við Eyja-
fjörð, 26. ágúst 1918, sonur hjón-
anna Sumarrósar Magnúsdóttur og
Bergvins Jóhannssonar kennara.
Hann hóf farsælan sjómanns-
feril 15 ára að aldri, frá Hrísey.
Tvítugur hélt hann til Vestmanna-
eyja.
Árið 1941 lauk hann stýri-
mannanámi og hófst þá farsæll
skipstjórnar- og útgerðarferill er
stóð til 1980.
Efst í hugum okkar er kynntumst
honum, var glæsimennið Helgi
Bergvinsson, frammistaða hans á
m/s Stíganda VE; hans mikla góð-
vild og hjálpsemi, til allra í leik og
starfi. Hann tók mikinn þátt í
félagsmálum íslensks sjávarút-
vegs, var virkur félagi í fiskideild
Vestmannaeyja og sat Fiskiþing.
Baldur Guðmundsson fæddist á
^atneyri við Patreksfjörð 14. maí
1911, sonur hjónanna Önnu
Helgadóttur og Guðmundar Þórð-
arsonar.
Kornungur að aldri hóf hann
sjómennsku. Minntist hann oft
þessa tímabils með mikilli gleði og
þakklæti til góðra félaga fyrir þann
þroska er hann hlaut að veganesti.
25 ára fór hann í Samvinnuskól-
ann. Að loknu námi, gerðist hann
kaupfélagsstjóri á Patreksfirði og
jafnframt framkvæmdastjóri Hrað-
frystihúss Patreksfjarðar. Til Reykja-
víkur fluttist Baldur 1943, þar sem
hann stundaði útgerð um langt
árabil, af framsýni og áræði sem
varð til þess að á skipi hans, m/s
Guðmundi Þórðarsyni, tókst fyrst
að nota kraftblökk með árangri við
íslenskar aðstæður.
Baldur Guðmundsson var mikill
félagsmálamaður, sannur og trúr
Fiskifélagsmaður, sat Fiskijjing o&
var lengi í stjórn Fiskideildar
Reykjavíkur.
Frá því seinasta Fiskiþing var
haldið fyrir ári síðan, hafa 7
íslenskir sjómenn látist við skyld-
ustörf. Bið ég viðstadda að rísa úr
sætum í virðingarskyni við hina
látnu.
Undanfarnar vikur hefur farið
fram undirbúningur 48. Fiski-
þings. Á fjórðungsþingum og
aðalfundum deilda, hefur farið
fram kjör þingfulltrúa og frá hags-
munaaðilum hafa verið tilnefndir
fulltrúar á Fiskiþing til næstu 4
ára. Allnokkrir félaga okkar sem
starfað hafa með okkur undanfarin
ár, sumir í áratugi, hafa ekki gefið
kost á sér til endurkjörs, ýmist
vegna aldurs eða af öðrum ástæð-
um. Ég flyt þeim þakkir okkar fyrir
vel unnin störf í þágu Fiskifélags-
ins og sjávarútvegsins og þá sem
koma í þeirra stað býð ég vel-
komna.
Störf Fiskifélags íslands eru
tvíþætt. Félagslega er það sjálf-
stætt landsfélag alls sjávarútvegs-
ins. Að landslögum veitir félagið
hinu opinbera margvíslega þjón-
ustu og er á þann hátt tengiliður
stjórnvalda og útvegsins í heild.
Þetta starf er framkvæmd í starfs-
deildum félagsins. Að þessu leyti
er félagið opinber stofnun.
Árið 1984 og '85 var gert raun-
verulegt félagsmálaátak. Starfs-
menn Fiskifélagsins fóru víða,
blésu að glæðum líflítilla deilda
og stofnuðu nýjar. Þótt betur hefði
mátt, var ánægjulegt nú á haust-
mánuðum hve margir yngri og
nýir félagar tóku þátt í starfinu.
Víða er veruleg aukning. Kyn-
slóðaskipti, sem fylgt hefur fersk-
ari blær, og starfsvilji þróttmikilla
félaga sqm nú endurnýja félags-
málalífið ríkir af starfsvilja á þeim
frjálsa og hlutlausa vettvangi sem
Fiskifélag íslands býður upp á.
Á nær átta tuga ára starfsferli