Ægir - 01.12.1989, Blaðsíða 20

636
ÆGIR
12/89
hagsmuni íslendinga að leiðar-
Ijósi.
Góðir fundarmennl
Ég hef grun um, að ef til vill hafi
einhverjir ykkar gert ráð fyrir að ég
rekti hér fyrir ykkur ýmsar þær
tæknilegu breytingar sem verða á
samskiptum íslensks sjávarútvegs
og Evrópubandalagsins, við til-
komu innri markaðarins 1992. Ég
hef hins vegar valið þann kostinn,
að leggja megináherslu á sérstöðu
Islendinga í þessum viðræðum við
Evrópubandalagið, þar sem hug-
myndafræðin og umræðan snýst
fyrst og fremst um iðnaðarvörur.
Það er rétt að ítreka þessa sérstöðu
okkar, vegna þeirrar umræðu sem
framundan er á vettvangi stjórn-
mála, í þeim tilgangi að menn
gleymi ekki þessu grundvallar-
atriði í hafsjó frelsisumræðu um
allt nema sjávarafurðir.
Ég vil þó ítreka það sjónarmið,
að lífsnauðsynlegt er fyrir Islend-
inga að taka virkan þátt í þessum
umræðum og vona að árangurinn
verði okkur öllum til hagsbóta. En
þar til íslenskur sjávarútvegur
getur keppt á jafnréttisgrundvelIi
við aðrar þjóðir á mörkuðunum,
án viðskiptahindrana, tolla og
styrkja, hljótum við að áskilja
okkur allan rétt til þess að stýra og
stjórna íslenskum sjávarútvegi,
eins og við teljum réttast á
hverjum tíma. Á þessum tíma-
mótum hljótum við að stilla komp-
ásinn áður en lagt verður í hinar
raunverulegu viðræður við Evrópu-
bandalagið.
Ljóst er að menn gera ráð fyrir
því að á þessu fiskiþingi verði fisk-
veiðistjórnunin og kvótinn megin-
umræðuefnið, en ég skora á
ykkur, þingfulltrúar góðir, að
ræða þau mál í samhengi við
heildarstefnumörkun í sjávarút-
vegi. Sjávarútvegurinn getur ekki
og má ekki stöðugt líta til stjórn-
valda eftir öllum lausnum. Við
verðum, samhliða þeirri umræðu,
að fjalla um skynsamlega ráð-
stöfun aflans, aflamiðlun og
hvernig verðmyndunin á að vera
miðað við breyttar aðstæður. Ég er
ekki þar með að leggja til að
fjölgað verði höftum eða bönnum,
heldur vil ég leggja áherslu á að
við verðum að finna ramma utan
um sjávarútveginn, sem setur
mönnum ákveðnar leikreglur og
tekur mið af því umhverfi sem við
vinnum í, bæði innanlands og er-
lendis. Samskipti okkar við Evrópu-
bandalagið skipta hér miklu máli.
Fimmta frelsið
Það er sannfæring mín, að
ýmsar nágrannaþjóðir okkar hafi
skilning á sérstöðu okkar og geri
sér grein fyrir því, að vilji menn
búa hér norður í hafi, verða menn
að geta búið fólkinu viðunandi lífs-
skilyrði. Að þeir geri sér betur og
betur grein fyrir því að til þess að
íslendingar geti verið virkir þátt-
takendur í auknu samstarfi Evrópu-
þjóða duga ekki frelsin fjögur,
heldur verða þau að vera fimm. I
viðbót við frelsi í viðskiptum með
vöru og þjónustu, fjármagns-
streymi og fólksflutninga, verður
frelsi með sjávarafurðir að bætast
við.
Ég treysti því að sú mikla vinna,
sem ráðamenn þjóðarinnar hafa
lagt í að kynna málstað okkar á
undanförnum árum, muni bera
árangur og innan ekki of langs
tíma munum við hafa fundið við-
unandi lausn á samskiptum okkar
við Evrópubandalagið á sviði við-
skipta með sjávarafurðir.
Ræða flutt á Fiskiþingi 30. október
1989. Höfundur er framkvæmdastjóri
Sölusambands íslenskra fiskframleið-
enda.