Ægir - 01.12.1989, Blaðsíða 26
642
ÆGIR
12/89
verði lesnar á samtengdum rásum
Ríkisútvarpsins. Fiskiþing ítrekar
enn, vegna fjölda áskorana, að
lesnar verði veðurlýsingar allra
veðurathugunastöðva.
48. Fiskiþing skorar á Veður-
stofu íslands að hlutast til um að
komið verði upp sjálfvirkum
veðurathugunarbúnaði á Hvallátr-
um, vegna mikilvægi veðurathug-
ana frá þessum stað fyrir sjófar-
endur.
48. Fiskiþing minnir á fyrri sam-
þykktir sínar um betri búnað far-
símakerfisins, þannig að það nái
til skipa á öllum fiskimiðum við
landið og komið sé í veg fyrir
hlerun.
48. Fiskiþing krefst þess að
rannsóknum á sjálfvirkum sleppi-
búnaði björgunarbáta verði
hraðað og að tryggt verði að ein-
göngu viðurkenndur búnaður
verði í skipunum.
48. Fiskiþing krefst þess að Sjó-
mælingar íslands setji inn á sjókort
grynningar og sker u.þ.b. 10.0
sjómílur vestan Dyrhólaeyjar.
48. Fiskiþing felur stjórn Fiski-
félagsins að kanna möguleika á
því að unnt verði að koma upp
búnaði til að ná upp eða færa til
skipsflök á hafsbotni.
48. Fiskiþing leggur til að lög-
skráningarskylda á báta verði færð
niður í 5 tonn.
Rekstur skólabátsins Mímis
48. Fiskiþing skorar á Alþingi
að leggja fram tuttugu milljónir
króna (kr.20.000.000) til reksturs
skólabátsins Mímis fyrir árið
1990. Það er menningaratriði að
báturinn sé gerður út til rann-
sóknar- og fræðslustarfa, svo að
hægt sé að kynna unglingum starf-
semi sem lýtur að fiskveiðum og
almennri sjómennsku.
Björgunarþyrla
48. Fiskiþing ítrekar fyrri
áskoranir sínar um nauðsyn björg-
unarþyrlu og fagnar þeim athug-
unum sem nú fara fram á vegum
hagsmunaaðila í sjávarútvegi um
valkosti um kaup eða leigu á full-
kominni björgunarþyrlu og
athugun á rekstrarkostnaði. Fyrsta
skrefið verði að koma fjárveitingu
til undirbúnings málsins inn á fjár-
lög næsta árs.
Um stöðugleika skipa
48. Fiskiþing treystir því að Sigl-
ingamálastofnun ríkisins verði
veittar kr. 3.000.000 - þrjár mill-
jónir, á fjárlögum næsta árs til
þess að halda áfram athugunum á
stöðugleika þilfarsbáta.
Mengun sjávar
48. Fiskiþing mótmælir harð-
lega áformum breskra stjórnvalda
um uppsetningu endurvinnslu-
stöðvar á kjarnorkuúrgangi í
Dounray í Skotlandi. Það er
skoðun Fiskiþings að minnstu
mistök í slíkri stöð gætu haft skelfi-
legustu áhrif á allt lífríki í N-Atl-
antshafi. Fiskiþing styður því
heilshugar mótmæli íslenskra
stjórnvalda. Áhætta vegna slysa af
völdum kjarnorkuskipa og af
vinnslu kjarnorkuúrgangs verði
fyrirbyggð með alþjóðlegum
samningum, sem íslendingar beiti
sér fyrir.
Markaðsmál
Fiskiþing tekur undir þau sjón-
armið að óeðlilegt sé að úthluta
leyfum til útflutnings á ísfiski
miðað við reynslu. Þá leggur
þingið til að úthlutun leyfa til út-
flutnings verði í höndum þriggja
manna nefndar. Formaður verði
frá LIÚ. Aðrir fulltrúar verði: einn
frá Farmanna- og fiskimanna-
sambandi og Sjómannasambandi
og einn frá Félagi fiskvinnslu-
stöðva. Starfsmaður nefndarinnar
verði hinn sami og sér um útflutn-
ing ísfisks með fiskiskipum og hafi
aðsetur hjá LÍÚ. Nefndarmenn
taki jafnan fullt tillit til fiskvinnsl-
unnar.
Um sölumál skreiðar
Fiskiþing vekur athygli á því
ófremdar ástandi sem ríkir í sölu-
málum skreiðar. Þingið beinir því
til stjórnvalda, forsvarsmanna
framleiðenda og banka að leitað
verði leiða til úrbóta í þessum
málum hið fyrsta. Þetta yrði best
gert með því að aðstoða við sam-
einingu tveggja til þriggja stærstu
söluaðila í ein sölusamtök sem
færu með alla sölu skreiðar og
starfaði með líku sniði og SÍF.
Greinargerð:
Það ætti öllum að vera Ijóst að
sölumál skreiðar hafa verið í
miklum ólestri undanfarin ár, þar
sem söluaðilar hafa hugsað meira
um sinn eigin hag, t.d. með undir-
boðum.
Þetta hefur kostað fram-
leiðendur og þjóðina ómælda
fjármuni. Því verður að leita allra
leiða til þess að binda enda á þetta
ófremdarástand.
Dagmerking fisks
Fiskiþing ítrekar nauðsyn þess
að dagmerkja fisk. Nefndin beinir
því til fiskkaupenda og fiskmark-
aða að sjá til þess að svo verði.
Úreldingarsjóður
Fiskiþing lýsir sig mótfallið
frumvarpi til laga um úreldingu
fiskiskipa sem lagt var fram á
Alþingi 1989. Sérstaklega því at-
riði að úreldingarsjóður eignist
veiðiheimildir. Fiskiþing telur að
aðilar í sjávarútvegi eigi að ráða
þessum málum sjálfir. Þingið
leggur áherslu á að hugsanlegar
lagabreytingar um úreldingu fiski-
skipa verði unnar í samráði við
samtök útgerðarmanna.
Nauðsynleg endurnýjun fiski-
skipa fari þannig fram að sam-
bærileg skip komi í stað þeirra
sem úrelt eru.
Skýrsluskil
Skipsstjórnarmönnum veiði-